Ustezko lau jihadista atxilotu dituzte Ceutan eta Marokon
Jihadismoaren aurkako operazioa egin dute goizaldean Polizia Nazionalak eta Marokoko segurtasun indarrek. Guztira, lau pertsona atxilotu dituzte, Barne Ministerioak agiri batean jakitera eman duenez.
Atxiloketak Ceutan eta Nadorren (Maroko) egin dituzte. Konkretuki hiru lagun atxilotu dituzte Ceutan eta bakarra Nadorrren.
Atxilotuak doktrinamendu “zelula” bateko ustezko kideak ziren. Barne Ministerioaren hitzetan, atxilotuek errekrutatze eta borrokalariak DAESHen lerroetara, Irakera eta Siriara, bidaltzeko ardura zuten.
Poliziako iturriek azaldu dutenez, operazioa goizeko lehen orduetan abiatu da Principe eta Cortijo Moreno auzoetan.
09:15 aldera lehen miaketa amaitu du Poliziak Cortijo Morenon, eta ustezko jihadista bat atxilotu du. Dokumentazio ugari atzeman dute poliziek atxilotuaren etxean.
Aldi berean, poliziek beste bi pertsona atxilotu dituzte Principen, eta miaketekin jarraitu dute. Principe Cortijo Morenotik bi kilometrora dago.
Atxilotu bat Guantanamoko preso ohia da
Ceutan atxilotutako bat Afganistanen borrokan ibili zen eta Guantanamon zigorra bete zuen, Marokoko Barne Ministerioak agiri batean ziurtatu duenez.
Guantanamoko preso ohiaz gain, beste atxilotu bat Sirian, 2013an, eraso suizida egin zuen jihadista baten anaia da. Bonba-kamioi batekin Armadako kuartel baten aurkako erasoa egin zuen.
Ceutako hiru atxiloketekin, dagoeneko bederatzi ustezko jihadista atxilotu dituzte Espainian, aurten.
Otsailaren 7an, sei pertsona atxilotu zituzten Alacanten, Valentzian eta Ceutan, laguntza humanitarioaren aitzakiarekin Irak eta Siriako erakunde terroristei (Jahbat al Nusra eta Estatu Islamikoa) armak, material militarra eta dirua bidaltzea egotzita.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.