Bilbok plazatxo bat eskaini dio Yolanda Gonzalezi
Juan Mari Aburto Bilboko alkateak azaldu duenez, ireki berri duten Yolanda Gonzalez plazatxoak ikaslea "goraipatu" nahi du, hil zutela 36 urte egin dirnean. Bilbo "zorretan zegoen berarekin eta bere senideekin", gaineratu du.
Deustuko erriberako 57 eta 59 zenbakien artean dago plazatxoa eta, irekiera ekitaldian izan dira biktimaren neba eta aita (bertan dagoen plakaren erreplika bat eman diote), baita Aintzane Ezenarro Memoriaren Institutuaren zuzendaria, Jose Luis Bilbao Bizkaiko ahaldun nagusi ohia eta Bilboko udaleko ordezkariak ere.
Aburtok adierazi du "ekitaldi xumea" egin nahi ziotela Yolanda Gonzalezi. Horrela, "Yolandarekin eta senideekin zorretan" zeudela esan du Bilboko alkateak eta "ekitaldi xumearekin" "apur bat bueltan ematea" nahi dute. Aburtoren esanetan, "ezinezkoa da izan duten sufrimendua desagertaraztea, ezta barruan dutena desagertzea ere, maite zuten senide bat galdu dutelako, eta nola gainera".
"Gune hau eraldatzen ari da eta etorkizunean ere Yolanda oso presente izango du", azaldu du alkateak. Aburtok gaineratu du "ezin dela duten mina kendu", baina batez ere "amari" eskaini nahi izan diote gaurko ekitaldia, "osasun-arazoak direla medio, ezin izan dela hemen egon". Yolanda Gonzalezen nebarentzat ere hitz gozoak izan ditu Aburtok. Esan duenez, "Asierren nekaezintasuna ezinbestekoa izan da hona heltzeko. Gurekin kontatzea nahi dugu", azpimarratu du.
Asier Gonzalezek, bere aldetik, "keinu sinboliko eta emozioz beterikoa" dela esan du. Horrela, eskerrak eman ditu familiaren izenean, "auzokoen elkarteari, Udalari eta, batez ere, Bilboko alkateari eta Udaleko alderdi politiko guztiei, beraien babesagatik".
Ultraeskuindarrek hil zuten Yolanda Gonzalez ikasle gaztea, 1980an, Madrilen.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.