Alderdiek ez dute baztertzen hauteskunde-gastuak murrizten saiatzea
Diputatuen Kongresuan ostegun honetan egin dute legegintzaldiko azken oso bilkura, eta, nahiz eta hemizikloan eztabaidatu ez duten, gai bat izan da zeina alderdi guztien ahotan egon den: hauteskunde-gastuak murriztea. Alderdiek deiak egin dizkiote elkarri eztabaidatzeko, xede izanik murrizketaren bat adostea.
Guztiek adierazi dute, komunikabideei egindako adierazpenetan, prest daudela bilatzeko formula bat ekainaren 26ko hauteskundeetan ohi baino diru gutxiago erabiltzeko. Hala ere, ez daude ados oraindik hainbat arlotan; adibidez, nondik murriztu behar den, eta zein ehunekoan aurreztu beharko luketen.
PSOEk proposamen zehatza mahaigaineratu du, Cesar Luena Antolakuntza idazkariak gainerako alderdiei igorritako gutun baten bitartez: euren apustua da hauteskunde-gastuak % 30 murriztea, eta konpromisoa hartzea kanpoko publizitatea ez erabiltzeko. Salbuespena litzateke Udalek eskainitako guneak. Halaber, hauteskunde-postaletan ere aurreztu nahiko lukete, hautesle bakoitzeko 0,15 euro gastatuz.
PPk aseguratu du proposamena aztertuko duela, eta Fernando Martinez Maillo Antolakuntza idazkariordeak bilerak egin ditu, dagoeneko, gainerako alderdietako bozeramaileekin. Mariano Rajoyren alderdian prest daude karteletan eta kanpoko publizitatean aurrezteko, baina ez daude erabat ados PSOErekin eta, esate baterako, Maillok uste du oso zaila dela "mailing"ean erabiltze duten dirua murriztea; izan ere, 0,22 eurotik 0,18ra jaitsi zen.
Bi alderdi nagusiak ados daude, nolanahi ere, ideia batean: posta-bidalketa hauetan egin behar dira, botoa emateko eskubidea bermatzeko. Sozialistek nabarmentzen dute bidalketa hauek garrantzia handia dutela landa-eremuetan.
Mariano Rajoyren alderdian, hainbat agintarik, Cristobal Montoro Ogasun ministroak ere, azpimarratu dute beharrezkoa dela hurrengo kanpainan aurreztea; PP diseinatzen ari da, dagoeneko, eta antolatu dituzte paseo eta ekitaldi txiki gehiago euren hautagairentzat, abenduan ere egin zutenez.
Ciudadanosek atzo helarazi zien gainerako alderdiei gutun bat, non proposatzen zituen hainbat neurri hauteskundeetako kostuak murrizteko; besteak beste, iradokitzen dute hauteskunde-publizitatearen gastu-muga erdira jaistea, eta "mailing"ean 25 milioi euro gutxiago gastatzea. Hala planteatu zuen Albert Rivera alderdiko presidenteak.
Podemosetik, Pablo Iglesiasek gonbidapena egin die gainerako alderdiei berau lider duenaren eredua jarraitzeko, eta luxurik gabeko kanpaina egiteko, bankuei dirurik eskatu gabekoa. Nabarmendu du Podemos prest dagoela murrizketa hauen gainean hitz egiteko edozein bilerara joateko, eta zehaztu du bere alderdiak bi milioi euro erabili zituela aurreko kanpainan, "PPk eta PSOEk baino askoz ere gutxiago; erakutsi genuen badagoela egitea diru gutxiko kanpaina".
Aukera dago ondorengo egunetan kontaktuak egoteko, eta baliteke kanpaina-arduradunek eta alderdietako agintariek ere bilera izatea, akordioren bat adosten ahalegintzeko.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.