Nafarroan ETBren emisioak abian jartzeko eskatu du Euskaltzaindiak
Nafarroan Euskal Telebista ikus dadila eskatuz Euskaltzaindiak gutuna bidali die Mariano Rajoy Espainiako jarduneko presidenteari, Iñigo Urkullu lehendakariari eta Uxue Barkos Nafarroako presidenteari.
ETBren emisioak eten ondoren, telebista euskaraz hartu nahi duten “herritarren hizkuntza eskubideak urratzen” ari dela dio Euskaltzaindiak gutun horretan.
Industria Ministerioaren agindu berriaren aplikazioak, “euskarari ondorio txarrak” ekarriko dizkiola azpimarratu du Euskaltzaindiak, batez ere hizkuntzaren garapenari eta normalizazioari dagokienez.
Mariano Rajoy Espainiako jarduneko presidenteari eskutitza helarazi dio Euskaltzaindiak. Erakundearen egitekoak azaldu dizkio lehenik, euskara maila orotan euskaldunen adierazpide izan dadin bermatzeko xedea duela esanez.
Euskaltzaindiak euskara komunikabideetan egotea ezinbestekoa dela esan dio Rajoyri; eta bide batez, gogorarazi dio Gobernuko Industria Ministerioak emandako agindua ez datorrela bat, Espainiako Konstituzioak berak eta Eskualdeetako eta Eremu Urriko Hizkuntzen Europako Gutunak onartutako “aniztasun linguistikoa” bermatzeko xedearekin.
Hau horrela, Nafarroan Euskal Telebista emititzeari uzteko Industria Ministerioak emandako agindua bertan behera uzteko eskatu dio eskutitzean Euskaltzaindiak Mariano Rajoyri Espainiako jarduneko presidenteari.
“Euren esku dagoen guztia”
Euskaltzaindia, Euskal Autonomi Erkidegoan eta Nafarroan hizkuntza aholku emaile ofiziala izaki, Euskal Telebistaren emisioak “lehenbailehen” berreskuratzeko “euren esku dagoen guztia” egin dezaten eskatu die Urkulluri eta Barkosi.
Bi erkidegoen artean sinatu berri den lankidetza protokoloak helburua lortzen lagunduko diela uste du Euskaltzaindiak.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.