Arraizi bi urteko espetxe-zigorra ezarri dio EAEko Auzitegi Nagusiak
Hasier Arraiz Sortuko presidente eta EH Bilduko legebiltzarkideari bi urteko espetxe-zigorra eta kargu publikoan aritzeko debeku berezia ezarri dizkio EAEko Auzitegi Nagusiak, Juan Calparsoro Euskadiko fiskal nagusiak eta Iñigo Iruin abokatuak adostu bezala. Epaia astearte honetan eman du jakitera Auzitegiak.
Arraiz 2007ko urrian atxilotu zuten Seguran (Gipuzkoa), ezker abertzaleko beste buruzagi batzuekin batera. ETAko kide izatea leporatu zieten denei, eta 04/08 sumarioan auzipetu zituzten. Arraiz foruduna denez, EAEko Auzitegi Nagusian epaitu behar zuten.
Hain justu, maiatzaren 9an egin zuten Sortuko buruzagiaren kontrako epaiketa. Fiskaltzak eta defentsak erdietsitako akordioari jarraiki, leporatutako delituak bere gain hartu zituen Arraizek. Trukean, hasierako zigor eskaera jaitsi zuen fiskalburuak. Horren arabera, Arraiz ez zen kartzelan sartuko, baina legebiltzarkide izateri utzi beharko zion, eta bi urtez, ezingo zuen hautagai izan.
Juan Luis Ibarra EAEko Auzitegiko Arlo Zibileko eta Zigor-arloko Salako presidenteak eta Roberto Saiz eta Nekane Boladok osatzen duten epaimahaiak bi urteko zigorra ezarri dio, horrenbestez, Arraizi.
Kargu publikoan aritzeko debeku bereziari dagokionez, honako esparruetan ezarriko diote: udal, foru, autonomiko, Estatu eta Europa mailan.
19 orrialdeko epaian, Arraizi erakunde armatuko kide izatea egozteko erabilitako argudioak azaldu ditu epaimahaiak. Kasazio errekurtsoa aurkez daiteke epaiaren kontra.
Herri akusazioak ez du helegiterik aurkeztuko
Hain zuzen, epaiaren kontrako errekurtsorik aurkeztuko ez dutela iragarri dute AVT eta Dignidad y Justicia elkartek.
Daniel Portero Dignidad y Justicia elkarteko presidenteak azaldu duenez, "esperotako" epaia da gaur EAEko Auzitegi Nagusiak emandakoa, "gaur egun Justiziak darabilen ildotik doana".
Porteroren esanetan, buru duen elkarteak "ez du errekurtsoa aurkezteak ekarriko dituen kostuak bere gain hartuko, jakinda irabazteko aukerarik ez dugula". "Jurisprudentziak oso argi utzi du gaia", argudiatu du.
Ildo beretik mintzatu da Antonio Guerrero AVTko abokatua ere. Epaia esku artean ez duela ohartarazi badu ere, "printzipioz" errekurrituko ez dutela esan du Guerrerok. "Zigorrak baloratzeko modu bat da, eta zaila da halakoetan irabaztea", esan du.
Aldeen arteko akordiorik ez
Ahozko saioa saihestea bazegoen, auzi beragatik Auzitegi Nazionalean epaitu behar zituzten ezker abertzaleko 35 buruzagiekin gertatu zen bezala, baina, kasu honetan herri akusazioak ituna baztertu zuten.
Arraizen epaiketan, 10 urteko zigorra eskatu zuten AVT eta Dignidad y Justicia elkarteek. AVTko abokatuak, dena dela, bost urteko espetxe-zigorra planteatu zuen, bidegabeko luzatzea egotzita.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.