125.000 euskal herritar, erabakitzera deituta
Gure Esku Dago dinamikak erabakitzeko eskubidearen inguruko herri galdeketak egingo ditu gaur, ekainak 5, Euskal Herriko 34 herritan. Gipuzkoako Goierriko 23 herrietan; Debagoieneko (Gipuzkoa) zortzietan eta Aramaion (Araba); Azpeitian (Gipuzkoa); eta Ispasterren (Bizkaia) egingo dituzte galdeketak. Denera, 111 mahai jarri dituzte eta herritarrek 09:00etatik aurrera izango dute bozka emateko. 22:00ak aldera emango dituzte behin betiko emaitzak, ekimenaren antolatzaileek adierazi dutenez.
Galdeketen inguruko jarraibideak dituzu ondoren.
Galdeketak
34 herri. Gipuzkoako Goierriko 23 herrietan; Debagoieneko (Gipuzkoa) zortzietan eta Aramaion (Araba); Azpeitian (Gipuzkoa); eta Ispasterren (Bizkaia) egingo dituzte galdeketak.
Eguna: Ekainak 5, igandea.
Hauteslekuen ordutegia
09:00-20:00
Galderak
Goierri eta Ispaster: Nahi duzu euskal estatu burujabe bateko herritarra izan?
Debagoiena, Aramaio eta Azpeitia: Nahi duzu euskal estatu independente bateko herritarra izan?
Aukerako erantzunak
Bai, ez edo zuri.
Hautesleak
125.332 lagun.
Bozka emateko baldintzak
Nork eman dezake botoa
Herri galdeketa antolatu duten herrietako biztanleak direnak, eta 2016ko ekainaren 5ean 16 urte edo gehiago dituzten pertsona guztiek parte hartu ahalko dute, euren nortasuna, adina eta bizilekua egiaztatu badituzte.
Nola egiaztatu hautesleen nortasuna, bizilekua eta adina
Antolatzaileek ez dute errolda ofizialik. Sistema informatiko bat erabiliko dute pertsona batek bi aldiz bozkatzen ez duela bermatzeko. Sistema informatiko horrek identifikatzailea den agiriaren zenbakia baino ez du erregistratuko. Behin erregistratuta, ordenagailuak ez du zenbaki hori berriz sartzen utziko, eta sarean konektatuta dauden gainerako ordenagailuek ere ez.
Hauteslekuak
Galdeketa lekuak jabetza pribatukoak izango dira. Mahaiak 07:30ean osatuko dira. Mahai bakoitzean gutxienez hiru lagun egongo dira: mahai burua eta bi mahaikide. Jarraipen Batzordeko kideak ere mahaietan izango dira.
Berme Batzordea
Galdeketaren antolaketa eta jarduera guztiak juridikoki bermatuta izango dira, antolatzaileen arabera. Horretarako, Berme Batzordeak izango dira herri eta eskualde bakoitzean.
Begiraleak
Nazioarteko zein Euskal Herriko begiraleak ere izango dira egun osoan zehar.
Mahaiak
Goierrin: 58.066
Debagoienan-Aramaion: 54.533
Azpeitian: 12.142
Ispaterren: 591.
Emaitzak
22:00etan. Emaitzak Gure Esku Dagok zentralizatuko ditu, bere atarian (www.gureeskudago.eus). Behin betiko emaitzen jakinarazpena 22:000ak baino lehen egitea aurreikusten du.
Parte hartzea. 12:30ean, 17:00etan eta 20:00etan parte hartze datuak emango ditu.
Traola
#E5erabaki. #E5erabaki izango da galdeketen eguneko traola. Gure Esku Dagok herritarrei dei egin die sare sozialetan edukiak traola horrekin zabal ditzaten.
Galdeketa gehiago 2017an
2017an beste 60 herri baino gehiagotan egingo dituzte galdeketak.
2014tik
Lehen ekitaldi jendetsua 2014ko ekainaren 8an egin zuen Gure Esku Dagok. Orduko hartan, Durango eta Iruñea lotu zituen giza katea osatu zuten erabakitzen eskubidearen alde. 2015ean, ostera, Euskal Herriko futbol zelai nagusiak bete zituzten.
2014ko ekimeneko argazkiak
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.