Konstituzionalak Kataluniari emango dion erantzuna erabakiko du gaur
Auzitegi Konstituzionalak osoko bilkura egingo du gaur, Kataluniako Parlamentuaren azken erabakiaren aurrean hartuko beharreko neurriak erabakitzeko. Era berean, Carme Forcadell Ganberako presidentearen aurka bide penal zabaltzea eskatu zuen Gobernu zentralak, auzitegiaren agindua ez betetzeagatik.
Auzitegi Konstituzionalaren erabakirik beteko ez dutela ziurtatu du Benet Salellas CUPeko diputatuak.
Ezohiko osoko bilkura deitu du Francisco Jose Perez de los Cobos Auzitegiko presidenteak 12:30ean, Estatuko Abokatutzak ostiralean aurkeztutako eskakizuna aztertzeko.
Kataluniako Parlamentuak iragan asteazkenean onartutako ebazpena eragin juridikorik gabe eta baliogabe uzteko eskatu dio Gobernuak Auzitegi Konstituzionalari. Junts pel Sik eta CUPek babesa eman zioten ekimenari, independentzia lortzeko aldebakarreko bideari hasiera emanez.
Men ez egitea
Onartutako testua Auzitegi Konstituzionalari men ez egitea dela uste du Espainiako Exekutiboak, baina baita “Espainiatik bereizteko benetako egitasmo” bat ere.
Azaroaren 9an onartutako “deskonexio” adierazpena baliogabe utzi zuen Auzitegi Konstituzionalak 2015eko abenduaren 2an.
Sententzia horren desobedientzia ikusita, eta Konstituzionalak Parlamentuko Mahaiari bide horretan aurrerapausorik ez ematea uztailaren 19an eskatu ondoren, auzitegiak neurri hertsatzaileak aplikatzea nahi du Exekutiboak.
Forcadellen aurkako bide penala
Hala, Carme Forcadell Parlamentuko presidentearen kontrako bide penala zabaltzea eskatu du Espainiako Gobernuak, ebazpena eztabaidatzeko eta bozkatzeko baimena emateagatik.
Forcadelli “erantzukizun penala eskatzeko lekukoen testigantzak jasotzea” eskatu dio Gobernuak Konstituzionalari.
Beste neurri batzuk ere eskatu ditu, hala nola, Parlamentuko presidenteari eta Mahaiko gainerako kideei errekerimendu pertsonalak bidaltzea, baita Ganberako idazkari nagusiari ere, ebazpena “zuzenean edo zeharka” betetzea bide emango liokeen edozein eztabaida eta bozketa debekatzeko.
Era berean, Carles Puigdemont Generalitateko presidenteari eta Kataluniako Gobernuko gainerako kideei errekerimenduak bidaltzea eskatu du Espainiako Exekutiboak, ebazpena garatzeko edozein proposamen edo ekimen debekatzeko.
Horrela, Auzitegi Konstituzionalaren aginduak ez betetzeak erantzukizun penala duela ohartarazi nahi du Gobernuak.
Lege organikoaren 92. artikulua aplikatuz, Konstituzionalak neurriak har ditzake. PPk auzitegiaren funtzionamendua arautzen duen legedia erreformatu zuen iaz.
“Auziaren garrantzia” kontuan hartuta, Konstituzionalak “lehenbailehen erabaki bat” hartzea nahi du Exekutiboak.
du Exekutiboak. du Exekutiboak.Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.