Arnaldo Otegi, ezker abertzalearen esperantza handia
Arnaldo Otegi Mondragon (Elgoibar, 1958ko uztailak 6), Sortuko egungo idazkari nagusia eta irailaren 25ean egingo diren hauteskunde autonomikoetarako EH Bildu koalizioaren lehendakarigaia dena, ezker abertzalea indarkeriatik aldentzea lortu duen buruzagia izan da.
Gainerako alderdiek ETAren aurrean "epela" izatea eta erakunde terroristaren aginduak betetzea leporatu diote. Gainera, bost aldiz igaro behar izan du espetxetik.
Jarduera politikoa
1995ean bihurtu zen legebiltzarkide lehenengo aldiz, epaileek Begoña Arrondo parlamentario alderdikidea espetxeratu eta gero, eta 1997an, Herri Batasuneko bozeramaile nagusi bilakatu zen.
Ezker abertzaleko agintea hartu eta urtebete eskasera, Lizarrako Akordioa sinatu zuen, eta ETAk tregoa "mugagabea" iragarri zuen. Horren ostean, HBk (Euskal Herritarrok izenarekin jada) bere historia osoko emaitza onenak lortu zituen 1998ko hauteskundeetan. Hauteskunde horietara ere lehendakarigai aurkeztu zen Gipuzkoatik, eta boto gehien pilatu zituen hautagaia izan zen Juan Jose Ibarretxeren eta Carlos Iturgaizen atzetik.
1999ko azaroaren 28an, ETAk amaitutzat eman zuen tregua. Otegiren distira ilundu egin zen: ETAren aginduetara egotea leporatu zioten, eta EHk eserlekuen erdiak galdu zituen 2001eko hauteskundeetan.
Otegi, martxoan espetxetik atera ostean Anoetako belodromoan egin zioten omenaldian. EFE
2006ko bake-prozesua
2011n Jesus Eguiguren PSE-EEko garai hartako presidentearekin batzartzen hasi zen, sekretuan eta bakoitza bere izenean. Zeregin horretan bost urte eman zituzten.
Lan horren ostean, ETAk "su-eten iraunkorra" iragarri zuen 2006ko martxoan. Horren ondotik, Espainiako Gobernua ETArekin batzartu zen Genevan (Suitza) eta Oslon (Norvegia) eta, aldi berean, Otegi eta beste zenbait buruzagi abertzale EAJrekin eta PSE-EEren bildu ziren Loiolako santutegian.
Nolanahi ere, gauzak okertu egin ziren ziren. Akordioa ia itxita zegoenean, Batasunak azken orduko proposamen berriak aurkeztu zituen, eta EAJk eta PSEk onartezintzat jo zituzten. Negoziazioak porrot egin zuen.
Testuinguru horretan, 2006ko abenduaren 30ean, Otegi eta Eguiguren oraindik ere egoera salbatzen saiatzen ari zirela, ETAk bonba-autoa zartarazi zuen Barajaseko (Madril) aireportuan, su-etena indarrean zegoela.
ETAn eraginik ez zuen buruzagiaren irudia izan zuen berriro Otegik. Gainera, kartzelatu egin zuten 15 hilabeteko espetxe-zigorra bete zezan. 2003an, Argalaren aldeko omenaldi batean, terrorismoa goratzea egotzi zioten.
Indarkeriatik urruntzeko prozesua
2008ko abuztuaren 30ean espetxetik atera ostean, Otegik eta Rafa Diez LABeko idazkari nagusi ohiak, ezker abertzalearen historian lehen aldiz, indarkeriatik aldentzeko barne eztabaida sustatu zuten. Hau da, "estrategia politiko-militarretik" estrategia politiko hutsera jauzi egiteko prozesua abiatu zuten.
Alabaina, 2009ko urriaren 13an, atxilotu egin zituzten Otegi eta Diez, LABen Donostiako egoitzan. Bateragune auziaren hasiera izan zen hura.
Operazio horretan, orotara 10 pertsona atzeman zituzten ETAk aginduta Batasuna berriz osatzen saiatzea leporatuta.
2011ko ekainean, Otegi eta beste zazpi pertsona, tartean Rafa Diez, epaitu egin zituzten Bateragune auziaren baitan, eta 10na urteko espetxe-zigorra ezarri zieten Otegiri eta Diezi, ETAko buruzagi izatea egotzita.
Aitzitik, Otegin eta DIezek hasitako barne-prozesua bere gorenera iritsi zen 2011 urriaren 20an, ETAk indarkeriaren behin betiko amaiera iragarri zuenean. Zazpi hilabeteren ostean, Otegik espetxean jarraitzea erabaki zuen Auzitegi Gorenak, zigorra 6 urtera jaitsita.
Otegi, lehendakarigai
Behin zigorra beteta, Otegi 2016ko martxoaren 1ean atera zen espetxetik, eta maiatzaren amaieran EH Bilduko oinarriek irailaren 25ean egingo diren hauteskunde autonomikoetarako lehendakarigai hautatu zuten.
Dena dela, ezker abertzaleko burua espetxetik atera zenean, Estatuko Fiskaltza Nagusiak iragarri zuen galarazi egingo duela haren hautagaitza, Bateragune auzian 2021eko otsailaren 28ra arte gaitasungabetu zutela argudiatuta, eta hala jakinaraziko ziola Gipuzkoako Hauteskunde Batzordeari.
Hori horrela, Otegiren hautagaitza erakunde horren erabakiaren esku geratzen da; izan ere, abuztuaren 29an baieztatuko baititu hautagaitzak.
Zure interesekoa izan daiteke
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa oso arazo larria da"
Consuelo Ordoñez Coviteko presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektroniko bat erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPko senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektroniko bat atera du poltsikotik, eta arnastu egin du. Ondoan zuen alderdikideak ohartarazi du kameraren planoan agertzen zela.
Peinadok uko egin dio Begoña Gomezen auzia artxibatzeari eta Presidentetzako goi-kargudun bat inputatu du
Judit González Pedraz Gobernuko Presidentzetzako egungo idazkari nagusia inputatu du epaileak, ondasun publikoak bidegabe erabiltzea egotzita, eta azaroaren 12an deklaratzera deitu du.
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburua Gasteizen izan da, eta, esan duenez, kezka berezia sortzen diote 2025eko lehen hiruhilekoan homizidioek eta indarkeria matxistako kasu-kopuruak izan duen igoerak. "Aurten, 11 homizidio izan ditugu. Aspaldian ez dugu horrenbeste homizidio izan", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du nork eraman duen "Ayusoren bikotekidea (Alberto Gonzalez Amador) egoera horretara", ez badira izan bera eta bere ingurukoak. "Izan ere, bera edo bere abokatua akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.
Estatu kolpea, Franco, ETA, Corinna... Zer esan ote du Juan Carlos I.ak bere autobiografian?
Espainiako errege emerituak, Abu Dhabitik, Reconciliación liburua idatzi du, bere bizitza, itzalguneak eta ondarea errepasatzeko. 87 urterekin, Trantsizioan izan zuen papera nabarmendu, Felipe VI.arengandik urrundu izana deitoratu eta “akatsak”, “bakardadea” eta “mina” aitortu ditu.
Puentek adierazi du Zallan 24 trenbide-pasagune kendu egingo dituztela, aurreko asteko istripuan lagun bat hil ostean
Ministroak aitortu duenez, udalerri hori da Euskal Autonomia Erkidegoan "trenbide-pasagune gehien" dituena, eta baliteke "Espainiako trenbide-sare osokoa" izatea ere, 34 trenbide-pasagune baititu.
Torresek bere izena zikintzeko erasoa salatu eta Victor de Aldama auzitara eramango du
Ministroak iragarri du auzitara eramango duela 'Koldo auzi'ko komisio-hartzailea, haren eta familiaren ohorea, intimitatea eta irudia kaltetzeagatik.
Segurtasun Sailaren aurrekontua % 6,4 igoko da 2026an, eta 850 milioi eurora iritsiko da
Bingen Zupiria sailburuak bere sailaren kontuak aurkeztu ditu Eusko Legebiltzarrean. Kontu horiek % 6,4 igo dira, eta lehentasuna ematen diete teknologia modernizatzeari, Ertzaintza indartzeari eta zibersegurtasuna hobetzeari.