EH Bilduren 'ahots eta irudi' izango dela esan du Otegik
Arnaldo Otegik jauntxokeritzat jo du Auzitegi Konstituzionalak bere babes helegitea atzera bota izana, eta irailaren 25eko hauteskundeetarako lehendakarigai izan ez arren, EH Bilburen "ahots eta irudi" izaten jarraituko duela esan du.
EH Bilduren Miren Larrion (Arabako), Maddalen Iriarte (Gipuzkoako) eta Jasone Agirre (Bizkaiko) zerrendaburuez babestuta agertu da gaur ezker abertzaleko buruzagia, Konstituzionalak Otegiren babes helegitea atzera bota eta bozetan aurkezteko aukera erabat itxi ostean.
Halaber, prentsaurreko-ekitaldian Peio Urizar (EA), Rebeka Ubera (Aralar) eta Oskar Matute (Alternatiba) EH Bildu koalizioko alderdietako kideak izan dira.
"Normaltasunez jarraituko dut hauteskunde kanpainan parte hartzen. EH Bilduren ahots eta irudi izaten jarraituko dut alderdiko oinarriek horrela erabaki dutelako eta hori Auzitegi Konstituzionalak ezin du ekidin", azaldu du Otegik.
Irailaren 25ean normaltasunez bozkatzera joateko deia egin die Otegik alderdiko oinarriei, eta emaitzak lagun badira, inbestidura ekitaldirako "hautagaia" aurkeztuko dutela iragarri du. Dena den, Otegik ez du argitu erantzukizun hori nori egokituko zaion.
"Argi daukat datozen hauteskundeetan ere nire parte hartzea saihestea dela Estatuaren helburua", esan du Otegik. Izan ere, bere inhabilitazioa 2021ean bukatuko da, nahiz eta Estrasburgoko Giza Eskubideen Auzitegiak oraindik 'Bateragune' auziaren inguruko epaia eman behar duen.
Hautagai izateko eskubidea egikaritzeko inhabilitazio bereziak bera hautatua izatea saihesten duela onartu du, baina kargu publikorako debekua ez duela ezartzen esan du. Hortaz, txantxetan esan du Eusko Jaurlaritzako sailburua izan daitekeela datorren legealdian.
Hori horrela, hauteskundeetan hautagai ez izateari garrantzia kendu dio, eta Legebiltzarrean bera ez egon arren, irailaren 25eko hauteskundeetatik EH Bilbu indartuta ateratzen bada "herri honetan akordio handietarako epea zabaldu" daitekeela gaineratu du.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.