Irujo eta Agirre jeltzaleak omendu dituzte Iruñean
40 urteko erbestea jasandako Manuel Irujo jeltzale euskaldun historikoaren jaiotzaren 125. urteurrenean (Lizarra 1891, Bilbo 1981), Irujo Etxeak hainbat ekitaldi prestatu ditu hura gogoratzeko. Besteak beste, Andoni Ortuzar izan da bertan, EAJko EBBren presidentea.
Andoni Ortuzarrek Manuel Irujo eta Fortunato Agirre politikarien ibilbide demokratikoa gogorarazi du, eta “1936ko denbora erabat nahasietan” justizia sozial eta demokraziaren alde izan zuten “ezinbesteko zeregina” gogoratu du.
Fortunato Agirre Lizarrako alkatea izan zen 1936. urtean, eta irailaren 29an 80 urte beteko dira fusilatu zutela. Alde horretatik, EBBko presidenteak Agirreren lan “galanta” nabarmendu du. “Irujo bezala bere garaiari aurreratutako gizona izan zen, goitik beherainoko demokrata, printzipioak zituen gizona, eta beste gauza batzuen artean 1931ko Euskal Estatutoa defendatzeagatik eraila izan zena”, gaineratu du Ortuzarrek.
“Autogobernuaren aldeko bere apustuak ondorio latzak izan zituen, bere bizitza hain zuzen ere. Arrazoi horregatik, ezinbestekoa da Nafarroan oso zaila zen garai batean inoiz bere printzipio eta baloreei uko egin ez zioten gizon hauen borroka defendatzea”, nabarmendu du EBBko presidenteak.
“Irujo gizon ona izan zen, baina gauza guztien gainetik, humanista bat. Bere justizia eta askatasun idealengatik sakrifikatzen zalantzarik ez zuena, eta garesti ordainduz, oso garesti: 40 urteko erbestea” esan du Ortuzarrek.
Bere hitzaldian, Nafarroan Barne Ministrariaren azalpenaz kexatu da: “Batzuek 40 urte beranduago gerra irabazi nahi dute”, adierazi du. Era berean, “Molaren gorpuzkiak hobitik ateratzeaz” poztu da.
Beste alde batetik, Unai Hualde NBBeko presidenteak Bigarren Errepublikan Irujok izan zuen papera gogoratu du: “Irujo, errepublikaren aldeko eta altxaketa militarraren kontrako jarreraren defendatzaileetako bat izan zen, garairako diskurtso bihurria zuen, eta askok ez zuten gustuko”.
Ekitaldiari amaiera emateko, aurresku bat dantzatu da familietako ordezkarien aurrean Irujoren etxearen atarian eta Fortunato Agirre ere oroituz. Senideei lore sorta bat eskaini zaie Santiago Plazan, bien jaioterri den Lizarrako herrian.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.