Sortuk hutsak onartu baina 'bake zatitxoa' lortzeko lana aldarrikatu du
Berriozarren (Nafarroa) egindako ekitaldi politiko batean Miren Zabaleta Sortuko bozeramaileak baieztatu duenez, ezker abertzaleak "ez du beti asmatu" eta "hutsak egin ditu", baina, aldi berean, "bake zatitxoa" lortzeko bidean egindako lana aldarrikatu du.
Aipatu ekitaldian 300 pertsona inguru batu dira, besteak beste Adolfo Araiz edo Txelui Moreno ezker abertzaleko ordezkariak, eta ekitaldi horren xedea zen Nafarroan Sortu berreratzeko prozesuari hasiera ematea.
Sortu berreratzeko zuzendaritza taldearen kide den Zabaletaren aburuz, berreratze-prozesu hori "une onean" iritsi da, proiektua "inoiz baino biziago" baitago.
PSOEk egun hauetan bizi duen krisialdia ere hizpide izan du, eta bere esanetan "trantsizioaren krisia besterik ez da, ondoratzen dagoen alderdi-estatu baten autosuntsiketa da", "gerra zikinean jarrera jakina izan zuen alderdiarena", hain zuzen ere.
"Berriro ere erori egin da trantsizioari buruzko kontakizun bakarraren gezurra, eta berarekin batera gatazka politikoaren negoziaketa eta Estatu-indarkeriarena", azaldu du Zabaletak.
Sortuko bozeramaileak nabarmendu duenez, "Espainiako Estatua demokratizatzeko itxaropen bakarra" Katalunian zein Euskal Herrian "prozesu subiranistak" gauza ditzagula da, eta ildo horretatik Nafarroak "estatu-auzia izaten jarraitzen dela" baieztatu du.
Zabaletak ezker abertzaleko kideei dei egin die, Sortu bereratzeko prozesuan parte har dezaten, "euren ahalmen militantean, eraldatzailean, zintzoan eta errebeldean sinesten baitugu".
Zure interesekoa izan daiteke
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.