Konstituzionalak Forcadellen kontra egiteko eskatu dio Fiskaltzari
Auzitegi Konstituzionaleko osoko bilkurak gehiengoz erabaki du Fiskaltzari eskatzea Carme Forcadell Kataluniako parlamentuko presidentearen kontrako zigor arloko prozedura zabaltzeko, bere aginduak ez betetzeagatik.
Konstituzionalak gertaeren berri eman dio Fiskaltzari eta, baldin eta egoki ikusten badu, Carme Forcadellen aurkako zigor prozedura hastea eskatu dio.
Abuztuaren 1ean Auzitegi Konstituzionalak hartutako erabakiaren ondorioa da gaur ezagutzera emandako ebazpena. Orduan Auzitegi Konstituzionala osatzen duten hamaika magistratuek bertan behera utzi zuten "deskonexio prozesua" abiatzeko Kataluniako parlamentuak onartutako ebazpena eta, gauzatuz gero, Espainiako Gobernuak eskatutako neurriak hartzeko lehendabiziko pausoa eman zuen; hala nola, isunak ezartzeko edota ardura dutenen kontrako prozedura penala abiatzeko.
Forcadelli dagokionez, Konstituzionalak uste du azken aldiko gertaera segidak agerian utzi duela Kataluniako parlamentuak "Auzitegi Konstituzionalaren ebazpenak ez betetzeko" asmoa duela.
Konstituzionalaren abisuei muzin eginda eta Parlamentuko bi talderen eskariz, Prozesu Eratzaileari buruz ikerketa batzordeak egindako txostena eguneko gai zerrendan sartzea eta bozkatzea onartu zuen Carme Forcadellek.
Magistratuen esanetan, Carme Forcadellek Auzitegi Konstituzionalaren aginduari entzungor egin zion.
Bestalde, Kataluniako bide orria baliogabetu eta Konstituzioaren aurkakoa dela ebazteaz gain, Konstituzionaleko osoko bilkurak adostu du pertsonalki helaraziko diela hartutako erabakia Parlamentuko presidenteari, Parlamentuko Mahaiko gainerako kideei eta idazkari nagusiari, Generalitateko presidenteari zein Generalitateko gainerako kideei. Gainera, agindua ez betetzeak ondorioak izan ditzakeela ohartarazi die.
ohartarazi die. ohartarazi die.Zure interesekoa izan daiteke
Carlos Garaikoetxea hil da, frankismoaren ondorengo lehen lehendakaria
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz.
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
