Abian da Eusko Legebiltzarraren XI. legealdia
Bigarrenez, Bakartxo Tejeria jeltzalea aukeratu dute Eusko Legebiltzarreko presidente. XI. legealdiari ekiteko bilkura egin dute gaur Gasteizko ganberan, eta ez da ezusterik izan. Azken lau urteetan ganberaren buru izan denak jarraituko du karguan, 37 boto jaso ostean. Botoa sekretua bada ere, litekeena da EAJren 28 legebiltzarkideek eta PSE-EEren 9ek Tejeriaren alde egin izana.
Bigarren bozketan aukeratu dute Tejeria presidente, gehiengo soilarekin (38 boto zuri).
Eusko Legebiltzarreko Mahaiaren bost kideak izendatzea izan da gaurko saioaren egitekoa. Aurreikusita zegoen bezala, EAJk bi eserleku izango ditu bertan (Presidentetza eta lehen idazkaritza), eta EH Bilduk, PSE-EEk eta Elkarrekin Podemosek bana. 1990etik lehen aldiz, PP erakundetik kanpo geratu da.
Tejeria izendatuta, Presidenteordetzak bozkatu dira. EH Bilduko Eva Blancok 38 boto eskuratu ditu, eta Txarli Prietok (PSE-EE), 28. Ondoren, Idazkaritzak nortzuk hartuko dituzten aukeratu dute, honetan ere ez da sorpresarik izan: Iñigo Iturrate (EAJ) eta Cristina Macazaga (Elkarrekin Podemos). Anton Danborenea PPko ordezkaria Mahaitik kanpo geratu da, Alderdi Popularraren babesa baino ez du izan (bederatzi boto).
Mahaiaren bost kideak. EFE
Tejeria, estatus politiko-juridiko berri baten alde
Aukeratua izan ostean, hitzaldi laburra egin du Tejeriak. Esan duenez, "euskal herritarron borondate politikoa eguneratu beharra" dago, eta bide horretan, aurreko legealdian autogobernu lantaldean hasitako lanak bukatu behar direla azpimarratu du. EAJko kidearen arabera, "estatus juridiko-politiko berria behar dugu, herri honetako gizon-emakumeen nahien eta beharrei egokitua, euskal herritarron borondate libre eta demokratikoa muga bakarra izanik". Bakea eta bizikidetza indartu behar direla ere azpimarratu du Tejeriak.
Ekonomia alorrean,"azken urteetan bizi izan dugun krisi sakonetik sendotuta" ateratzearen beharra nabarmendu du eta EAEko "egitura produktiboa indartu" eta "globalizatua den mundu honetan, lehiakorragoak" izateko eta "kalitatezko enplegua" sortzearen alde egin du.
"Eginbehar eta erronka" hauen aurrean, "adostasunak, hitza eta elkarrizketa" beharrezkotzat jo ditu Tejeriak.
Tejeria, aukeratu berritan. EFE
Konstituzioaren zina egitea eskatu du PPk
Bilkura istilurik gabe joan da. Legebiltzarkide guztien izen-abizenak irakurri eta gero, Adineko Mahaia osatu dute. Hain justu, erakunde honi egokitu zaio goizeko lehen erabakia, Borja Semper PPko bozeramaileak egindako eskaera aztertzea, alegia. Legebiltzarkideei Konstituzioa beteko duten zina egitea eskatu du Semperrek.
Eskaera errefusatu du Mahaiak, "Hauteskunde Legeari zein Eusko Legebiltzarraren aurrekariei erreparatuta, formulismo hori ez dagokiola" argudiatuta.
Semper kexu agertu da erabakiarekin. Esan duenez, Hauteskunde-araubide Orokorraren Lege Organikoak hala eskatzen du.
Bilkura 15 minutuz eten da, taldeek Mahaiaren Presidentetzarako hautagaiak aurkez zitzaten. Bakartxo Tejeria bakarrik aurkeztu da.
Otegi, Alba, Urtaran eta Calparsoro, gonbidatuen artean
Ikusmina sortu du bilkurak. Kazetari andanak jarraitu du saioa, eta gonbidatuen palkoan politikagintzako eta justizia munduko pertsona ezagun ugari izan dira. Han izan dira Arnaldo Otegi Sortuko presidentea, Nagua Alba Podemos Euskadiko burua, Juan Luis Ibarra EAEko Justizia Auzitegi Nagusiko presidentea, Juan Calparsoro fiskalburua, Manu Lezertua arartekoa, Gorka Urtaran Gasteizko alkatea, eta Pedro Elosegi eta Eider Mendoza Arabako eta Gipuzkoako Batzar Nagusietako presidenteak, hurrenez hurren.
Otegi, Alba, Atutxa, Oyarzabal eta Suso, Legebiltzarreko palkoan. EFE
Elkarrekin Podemos legebiltzarkideak aurrenekoz daude ganberan. Gaurko saiora TTIP itunaren eta genero indarkeriaren kontrako ikurrak eraman dituzte.
Urriaren 27an, hurrengo osoko bilkura
Bakartxo Tejeriak urriaren 27rako deitu du hurrengo osoko bilkura. Behin-Behineko Bateraezintasunen Batzordea osatuko dute, eta batzordeak 20 egun izango ditu txostena egiteko.
Datorren osteguneko bilkuraren amaieran beste saio bat deitu beharko du Legebiltzarreko presidenteak txosten hori eztabaidatu eta onartzeko, eta lehendakaria aukeratzeko inbestidura saioaren data zehazteko.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.