PSOEk espedientea ireki die Rajoyren aurka bozkatu duten 15 diputatuei
PSOEko Kongresuan duen Talde Parlamentarioaren zuzendaritzak espedientea ireki die Mariano Rajoyren inbestiduran aurka bozkatu zuten 15 diputatuei, alderdi sozialistako iturriak aipatuta Europa Pressek jakinarazi duenez.
Hamabost diputatu horien artean Odon Elorza Donostiako alkate ohia dago. Gainerakoak hauek dira: Margarita Robles, Zaida Cantera, Susana Sumelzo, Rocio de Frutos, Luz Martinez, Pere Joan Pons, Sofia Hernanz eta PSCko zazpi ordezkariak (Meritxell Batet, Manuel Cruz, Lidia Guinart, Jose Zaragoza, Merce Perea, Marc Lamua eta Joan Ruiz).
Luis Carlos Sahuquillo Kongresuko talde sozialistaren diziplina arduradunak gutuna igorri die, PSOEren Batzorde Federalaren erabakia urratuta, Rajoyren inbestidura saioan ezetz bozkatu 15 diputatuei.
Oharrean, Alderdi Sozialistak gogoratzen du urriaren 23ko Batzorde Federalean abstentzioaren aldeko hautua egin zutela, baina, hala ere, aipatu diputatuek beste gauza bat bozkatu zutela.
Horrenbestez, eta PSOEren barne araudia kontuan hartuta, zazpi eguneko epea eman diete 15 diputatuei alegazioak aurkez ditzaten.
PSOEren barne araudiaren arabera, 200 eta 600 euro arteko isuna ezar diezaiekete; araudiak ez du aintzat hartzen alderditik kanporatzeko aukera.
Alderdi Sozialistak azpimarratu du ohiko barne prozedura ari direla aplikatzen kasu honetan ere.
Espedientearen jakinarazpena jaso ondoren, Odon Elorzak ondokoa idatzi du Twitter sare sozialean: "Eta (espediente) gehiago izango dira. Beste batzuek egindako hutsak guk ordainduko ditugu".
Zaida Canterak ere kritikatu du espedientea: "Diziplina espedientearen jakinarazpena jasota. Beldurrik gabe eta kontzientzia garbi".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.