Troitiño aske uztea eskatu du Sortuk
Arkaitz Rodriguez Sortuko bozeramaileak Antton Troitiño aske uztea eskatu du larunbat honetan, eta euskal herritarrei "kalera ateratzeko" deia egin die presoen alde egingo diren deialdietan parte har dezaten.
Aldi berean, adierazi du ezker abertzaleak ez duela onartuko Espainiako Estatuak "herri honentzat konponbide justua, egonkorra eta iraunkorra sabotatzen saia dadila. Azpimarratu duenez, euskal gizarteak "ikusten du une honetan bakerako eta gatazkari konponbide osoa emateko dagoen oztopo bakarra Espainiako Gobernua dela".
Rodriguezek Donostian egin ditu adierazpen horiek, Antton Troitiñoren askatasuna eskatzeko 'Konponbide garaia da. Antton askatu' lelopean egin den elkarretaratzean. Bertan izan da, besteak beste, Arnaldo Otegi ere.
Buruzagi abertzaleak "gogor" salatu du Troitiño atxilotu eta preso sartzea; izan ere, "bete zuen bere zigorraldia", eta, bere aburuz, Estatu espainiarraren mendeku politikaren "biktima izaten ari da, beste euskal preso politiko batzuekin batera".
Era berean, egungo kartzela-politika eta "Altsasuko gertakarien inguruan egindako polizia-muntaia plan bera" direla adierazi du. "Espainiako Gobernua eta PP, herrialde honetan bakea lortzeko aukerak suntsitzeaz gain, gatazka politikoa bukatzeko zentzuzko edozein irtenbide oztopatu nahian dabiltza”, salatu du.
Hala eta guztiz ere, "bakearen etsaiek aurrez aurre izango gaituzte", ezker abertzaleak "ez duelako onartuko" Estatu espainiarrak "konponbide bidezkoa, egonkorra eta iraunkorra" sabota dezan.
"Bakearen etsaiak"
Sortuko bozeramaileak berretsi duenez, PP "bakearen etsai gisa ari da jokatzen"; beraz, euskal gizarteari deia egin dio, "aski dela esan dezan, herri honek bakea nahi eta merezi baitu. Gainera, ez du onartuko zenbait sektore bake hori suntsitzen saiatzea interes politikoak direla medio".
Horrenbestez, kalera irten dadin eskatu dio euskal gizarteari, "herri honen irtenbidea eta bakea helburu duten ekimenak bultzatzera". Horren harira, hainbat ekimen aipatu ditu: Etxeratek dispertsioa salatzeko abenduaren 10erako deitutako kateak, preso ohiek Usurbilen antolatu duten kanpaldi iraunkorra, edo Sarek urtarrilaren 14ean deitutako ibilaldia.
tako ibilaldia.Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.