Sortuk berretsi du independentzia 'akordioekin baino ezin dela lortu'
Sorturen iritziz, euskal herritarrak "independentziarantz eramateko unea iritsi da", helburu hori "akordioekin baino ezin dela lortu" jakinda, "zehatzak zein estrategikoak".
Gaur goizean Bilbon egindako kongresuan Miren Zabaletak irakurritako ebazpena onartu dute. "Kalera irten eta aldaketa berriak bultzatzeko ordua da, gure herria independentziarantz eramateko garaia iritsi delako", azpimarratu dute testuan.
"Aldaketa politikoa" beharrezkoa dela nabarmendu eta independentzia "aukera onena" dela berretsi ostean, aldaketa hori "akordioekin baino ezin dela lortu", esan dute, "zehatzak edo estrategikoak".
Sortu "euskal hiritarren askapen nazionalerako eta sozialerako tresna" dela adierazi dute goizeko ekitaldian. Horrez gain, datozen hilabeteetako jarduera politikoa proiektu independentistak eta egoera ekonomikoak gidatuko dutela baieztatu dute, "krisiak herritarrak txirotu" dituela kontuan izanik.
"Ez ditugu estandar espainiarra eta frantsesa onartzen gu neurtzeko. Herrialde gisa dugun gaitasunaren neurrira antolatutako ekonomia, industria, eredu fiskala, lan eta gizarte harremanak eta aberastasunaren banaketa nahi ditugu", gaineratu du Arnaldo Otegik gidatutako alderdiak.
ETAren presoen eta haien senitartekoen eskubideak daude Sorturen lehentasunetan. Izan ere, "guztioi eta, bereziki, euskal instituzioei" dagokiela esan dute, agertoki politiko berrian pertsona ororen eskubideak defendatu eta bermatu ahal izateko baldintzak abiatzea.
Zuzendaritza berria
Sorturen Kontseilu Nazionala osatuko duten azken 15 kideren izenak jakinarazi dituzte: Elena Lopez, Anita Lopepe, Lur Arbizu, Marian Beitialarrangoitia, Eneko Compains, Nerea Guijarrubia, Nekane Zinkunegi, Elena Beloki, Floren Aoiz, Xabi Larralde, Ibon Meñika, Gorka Ortiz de Guinea, Karlos Renedo, Rufi Etxeberria, Maite Sabalza eta Jean Francois Lefort. Bestalde, gidaritzatik at geratu dira ezker abertzaleko hainbat agintari historiko: Karmelo Landa, Joseba Permach eta Pernando Barrena, besteak beste.
Barne-prozedurari dagokionez, berriz, "ezker abertzalea indartsuago, biziago, kohesionatuago eta sendoago dago, orain dela urtebete baino, azken hilabeteotan burututako birfundazio-prozesuari esker. XXI. mendeko ezker abertzalea", baieztatu dute.
Albiste gehiago politika
Osasun Mahaiak ituneko 24 ildo estrategikoak babestu ditu
Hala ere, EH Bilduk, Sumarrek, LABek, ELAk, SATSEk, CCOOk eta UGTk ez dute ituna babestuko. Desadostasun handiena eragin duten gaiak hizkuntza-politikari buruzkoak eta lankidetza publiko-pribatuari buruzkoak izan dira.
Gazarako beste martxa bat "bideraezina" dela uste du Podemos Euskadik, baina beste aukera batzuk aztertzen ari dira
Martxa Globalean parte hartu zuten Maite Gartzia (koordinatzailearen ondokoa) eta Alberto Villarreal (Osasun arduraduna) ekintzaileek Egipton bizi izandako egoeren berri eman dute. Espainiak Egipton duen enbaxadorearen jokabidea kritikatu dute, martxara ez zutela joan behar esan baitzien.
Martinez: "Gaur egun garrantzitsua da osasun sistema publikoa eraldatzeko"
Alberto Martínez Eusko Jaurlaritzako Osasun sailburuak Osasun Itunaren mahaiaren bileraren garrantzia azpimarratu du. Bertan, onkologia, osasun mentala eta lehen mailako arreta bezalako arloei buruzko 24 dokumentu estrategiko onartuko dira. Martinezek azpimarratu du topaketa honek hirugarren lan-fasearen amaiera markatzen duela eta eragileen konpromisoa bilatzen duela itunaren ebaluazioan eta garapenean aurrera egiten jarraitzeko.
Euskal osasun sistemaren etorkizunari babes "sendoa eta irmoa" eman zaiola azpimarratu du Osasun sailburuak
EAEko osasun sistemaren etorkizuna diseinatuko duten ildo estrategikoen 24 dokumentuak onartu ditu ostiral honetan Osasun Itunaren Mahaiak. "Dokumentu bakar bat ere ez da aurrera ez egiteko arriskuan egon. Hirugarren fase honen babesa sendoa eta irmoa da", esan du Alberto Martinez Eusko Jaurlaritzako Osasun sailburuak.
EAJk eta EH Bilduk eserleku kopuru bera lortuko lukete Eusko Legebiltzarrean; jeltzaleak bost puntu daude gainetik
Bi alderdiek 28 eserleku lortuko lituzkete, eta PSE-EEk 11. Gauzak horrela, EAJk eta PSE-EEk osatzen duten koalizioak gehiengo absolutuari eutsiko lioke. Abstentzioa % 41ekoa izango litzateke, 2025eko ekaineko Euskal Soziometroaren arabera.
EH Bilduk Osasun Itunaren 11 ildo estrategikoren alde bozkatuko du, 8ren aurka eta 5 puntutan abstenitu egingo dira
Euskadi Irratiko Faktoria saioan eman du horren berri Arnaldo Otegik. Era berean, osasun mahaian Konfebaskek duen ordezkapena kritikatu du, euren ustez etekinak lortzea bakarrik bilatzea duelako helburutzat.
Auzitegi Konstituzionalak Amnistia Legea babestu ondoren, orain zer?
Printzipioz, Puigdemont atxilotzeko aginduak eta Junquerasen inhabilitazioak bere horretan jarraituko dute, baina Konstituzionalak ebazpena Estatuko Aldizkari Ofizialean argitaratzen duenean Auzitegi Gorenak buruzagi independentisten aurrekari penalak berrikusi beharko ditu.
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.