Otegi: 'Sortuk prozesua arrakastatsu eta zatiketarik gabe amaitu du'
Arnaldo Otegi Sorturen idazkari nagusiak esan du harro sentitzen dela alderdiaren birfundazio-prozesuaz, "arrakastatsu eta zatiketarik gabe bukatu" delako. Radio Euskadiko 'Boulevard' eta ETB1eko 'Egun on Euskadi' saioetan egin ditu adierazpenok.
Otegik azpimarratu duenez, ezker abertzalearen militanteek lehen aldiz aukeratu dute zuzendaritza joan den larunbatean Bilbon amaitutako prozesuan. Horrez gain, urteetan zehar "joera bertikalista mantendu duten arren, orain hautsi egin da", esan du. Era berean, gustura agertu da zuzendaritzak jasotako babesarekin (botoen % 86).
Espainiako Estatuarekin izan beharreko harremanari dagokionez, "euskal hiritarrek ez badute estatu propioa eraikitzen, ezingo dituzte bidezko politikak izan", azaldu du. Ezker abertzalearen buruak prozesu katalanaren alde egin eta errepublika kataluniar independientea eratzea espero duela berretsi du. Dena den, urrats horrek kontzertu ekonomikoa arriskuan jar dezaketen ondorio ekonomikoak ekarriko dituela ohartarazi du. Izan ere, Otegiren aburuz, "Estatu espainiarrak, Kataluniako aportazioa galduz gero, ez du euskal kontzertu ekonomikoa errespetatuko". Hori dela eta, Euskadik burujabetza esanguratsuagoa lortu behar duela aipatu du; bestela, "miseria eta menpekotasunaren bidera doa".
Datozen urteotan, zerga-sistemaren, EiTBren eta herri-ereduaren inguruko eztabaida garrantzitsuak egongo direla gaineratu du Otegik. EAJri eta Podemosi egindako eskaintzak mahai gainean jarraitzen duela azpimarratu du. Bestalde, Bakearen Txostenari dagokionez, "EH Bilduk orain arte erakutsitako jarrera ez da aldatuko", baieztatzeaz gain, kontaketa bakarra inposatu nahi duenik badela salatu du. Bakearen Txostena ostegun honetan bozkatuko dute Eusko Legebiltzarrean.
Zure interesekoa izan daiteke
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako 'ezkutu sozialaren' errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo 'funts putre' bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".
Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
EAJ "antifaxisten kontrako kriminalizazio kanpaina" egiten ari da, Gazte Koordinadora Sozialistaren aburuz
Euskadi Irratian egindako elkarrizketan Joanex Artola GKSko kideak adierazi duenez, falangistak Gasteizko kaleetan egon izana EAJren "ardura izan zen, eta hori ezkutatzeko estrategiatzat" jo du "antifaxistak kriminalizatzeko kanpaina".