Jean-Rene Etchegaray, Euskal Hirigune Elkargoaren presidentea
Jean-Rene Etchegaray Baionako alkatea izango da Ipar Euskal Herriko Euskal Hirigune Elkargoaren lehen presidentea.
Lapurdi, Nafarroa Beherea eta Zuberoa estreinakoz biltzen dituen euskal erakundeak atzo egin zuen bere lehen bilera, Baionan.
Batzar horretan Ipar Euskal Herria bere osotasunean aintzat hartzen duen erakundearen presidentea aukeratu dute: Jean-Rene Etchegaray. 231 botoetatik 157 eskuratu ditu Baionako alkateak; Bernard Lougarot Gotaine-Irabarneko alkateak, berriz, 51 jaso ditu; eta Jean-Jacques Doyhenart Angeluko hautetsiak, bost.
Euskal Elkargoak 300.000 biztanle eta 158 udalerri biltzen ditu bere baitan, eta 200 milioi euro inguruko aurrekontua izango du.
Horrez gain, erakunde sortu berriak hiru egitura nagusi izango ditu: kontseilua, batzorde iraunkorra eta batzorde eragilea.
Elkargoa defendatu dutenen iritziz, lurraldetasuna bermatzeko oinarri sendoa izango da euskaran eta kulturan, ekonomian, lurralde antolaketan, etxebizitzan edota garraioetan eskumenak izango dituen elkargoa.
Udalerrien artean % 70eko babesa lortu zuen elkargoaren eraketak, eta alkateen % 30 bakarrik ageri ziren kontra.
EAEko erakundeen babesa
Bestalde, Eusko Jaurlaritzak, Euskadiko Udalen Elkarteak (Eudel) eta Gipuzkako Foru Aldundiak pozik hartu dute Euskal Hirigune Elkargoa abian jarri izana, Euskal Autonomia Erkidegoaren eta Ipar Euskal Herriaren arteko elkarlana sendotuko duelakoan.
Aipatu hiru erakundeetako ordezkariak izan ziren Baionan, Euskal Hirigune Elkargoaren lehen presidentea aukeratzeko saioan. Era berean, besteak beste, EH Bildu eta EAJko ordezkariak izan ziren bertan.
Imanol Landa Eudeleko presidente eta Getxoko alkateak esan zuen Euskal Herriko herrientzat "berri oso ona" dela Euskal Hirigune Elkargoaren sorrera, "Ipar Euskal Herrian solaskide bakarra izatea ahalbidetzen duelako eta euskara edo garapen ekonomikoa bezain gai garrantzitsuetan elkarlanean aritzeko aroa irekitzen delako".
"Herritarrengandik hurbilen dauden tokian tokiko egitasmoak eta esperientziak trukatzea ekarriko du elkarlan berri horrek", erantsi zuen.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.