Frantziaren ustez aurrerapauso handia da ETAk armak bere kabuz ematea
Matthias Fekl Frantziako Barne ministroaren hitzetan, ETAk zortzi armategien kokapena ''modu aldebakarrean''eman izana ''aurrerapauso'' handia da. Ildo horretan, handik ordu batzuetara, Bernard Cazeneuve Frantziako lehen ministroak adierazi du armak emateko operazioa ''aro erabakigarria'' izango dela ''indarkeria independentistaren bukaerarantz''. Halaber, azpimarratu du Espainiaren eta Frantziaren arteko polizia eta justizia arloko elkarlana izango dela ''nora eze'' horrekin bukatzeko aukera emango duena.
Cazeneuve pozik azaldu da operazioa ''lasaitasunez eta indarkeriarik gabe'' burutu delako eta, ohar baten bidez, azaldu du bertan du ''3,5 tona arma, lehergailu eta material'' hartu dituztela.
Frantziako lehen ministroak aurreratu duenez, material arriskutsuak suntsitu egingo dituzte, eta gainerakoak ikertu.
Horri lotuta, Frantziako Justiziak iragarri du Espainiari jakinaraziko diola zortzi biltegietan jasotako materialaren azterketaren berri. Terrorismoaren kontrako Frantziako Fiskaltzak azaldu duenez, apirilaren 4tik aldez aurretik ikerketa abiatu du, eta horren baitan kokatu dute gaur egindako lana.
Helburua da egiaztatzea bildutako elementuak lagungarri izan ote daitezkeen irekita dauden auziak argitzeko.
Armategietako lanak
Goizean, prentsaurrekoa eskaini du ministroak, galderetarako aukerarik gabe, eta bertan azaldu du segurtasun indarrak, Justiziaren zuzendaritzapean, lanean ari zirela, 09:00etatik, Pirinio Atlantikoetako zortzi kokapenetan, operazio guztiak arriskurik gabe egin zitezen. ''Armak eta lehergailuak indargabetzeko etapa hau aurrerapauso handia da'', esan du, eta azpimarratu du ''armak Justiziaren esku uzteko prozesu hau Zuzenbide Estatuarekiko errespetuaren esparruan'' kokatu behar dela.
ETAren zortzi armategietan egiten ari ziren lanen harian, ministroak azaldu du 180 polizia eta jendarme ari zirela lanean, lehergailu-teknikariekin batera. Horrez gain, Auzitegiko Poliziaren ''hainbat agente'' eta Barne ministerioko segurtasun zerbitzuak ere bertan ziren.
Behin armategiak aurkituta, segurtasuna bermatzea da hurrengo pausoa. ''Gure xedea da operazio hau, berez arriskutsua izan daitekeena, ahalik eta modu seguruenean egitea''.
Biktimei aipamena
"Zalantzarik gabe egun garrantzitsua da hau, eta biktimak eta beren senitartekoak gogoratu nahi ditugu, bereziki poliziak eta guardia zibilak'', esan du Matthias Fekl Barne ministroak. Cazeneuvek ere ''ETAren 829 biktimak'' gogoratu ditu.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.