ETAk emandako armategia: 120 arma eta hiru tona lehergailu
ETAk zortzi zulotan gordetako 120 suzko arma, hiru tona lehergailu eta milaka detonadore eta munizio utzi ditu Frantziako agintarien esku, Michel Tubiana "bakearen artisauak" taldeko kideak jakinarazi duenaren arabera.
Baionako Euskal Museoan azaldu ditu Tubianak datu horiek. Mixel Berhokoirigoin ("bakearen artisaua"), Harold Good (artzain protestante iparirlandarra), Matteo Zuppi (Boloniako artzapezpikua) eta Anais Funosas (Bake Bidean plataformako ordezkaria) izan dira prentsaurrekoan.
Jarraian azaldu duenez, "bakearen artisauek" ETAren zortzi zuloren kokapenaren berri eman diote Nazioarteko Egiaztatze Batzordeari. "Frantziako agintarien aurrean burututako urratsa bidezko bake iraunkorra bermatuko duen prozedura baten baitan ematea eskatu diegu", gaineratu du.
120 suzko arma, hiru tona lehergailu eta hainbat kilo munizio eta detonagailu daude zortzi zulotan gordeta. "Eguna ondo doa, Baionako alkatearen agintepean. "Prozesua ulertzen egin duen lanagatik omenaldia zor zaio", esan du.
172 behatzaile egongo dira ETAk emandako kokalekuetan, Frantziako agintariek armak biltzen dituztenean. Goizeko 11:00ak arte, "guztia primeran doala dirudi", azaldu du. "Polizia hasi da lanean leku batzutan", baieztatu du Tubianak.
Bestalde, pozik agertu da Frantziako Gobernuak ez duelako "arazorik ipini". Dena den, "prozesua Frantziako agintariekin koordinatu ezin izana" salatu du.
Txetx Etcheverry "bakearen artisauak" eman die agintariei zuloen kokalekuaren berri.
Zure interesekoa izan daiteke
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.