Preso guztiak aske uztea eskatu dute, bakea eta bizikidetza eraikitzeko
‘Kalera Kalera’ ekimenak euskal preso guztiak aske uztea ezinbestekotzat jo du, “bakea eta bizikidetza eraikitzeko”. ETA jada erakunde armagabetua dela aintzat hartuta, orain beste gai batzuk jorratu behar direla esan du, hala nola, oroimena, biktima guztien aitortza eta erreparazioa eta desmilitarizazioa.
Preso Politikoen Nazioarteko Egunean, ‘Kalera Kalera’ ekimenak ekitaldia egin du gaur goizean Gernikako Batzar-etxean, ‘Gernikatik bake eta askatasunera’ lelopean. Lore-eskaintza egin dute, espetxean dagoen euskal preso bakoitzeko krabelin gorri bana utzita.
Preso ohi ugari bildu dira bertan eta hitza Oihana Garmendiak eta Antton Lopez ‘Kubati’k hartu dute.
Bakea eta bizikidetza eraikitzeko “gatazkaren ondorioei konponbide osoa” eman behar zaiela nabarmendu dute.
Horretarako iraganari “salbuespenik gabe” begiratu behar zaiola esan dute eta, ildo horretan, gogoratu dute “alde bat armagabetuta” dagoela jada, ETAri aipu eginez.
Gatazkak “preso politikoak” eragin dituela eta preso horiek Espainiako eta Frantziako kartzelatan sakabanatuta daudela esan dute. “Euskal presoak preso politikoak dira eta izango dira, espetxeratuak izateko arrazoiak jatorri politikoa duelako”, azpimarratu dute.
Azken hamarkadetan gertatutakoa “desitxuratzeko” eta “ezkutatzeko” asmoa dagoela ohartarazi dute. “Gertatu den guztia konpondu ez den gatazka politiko baten ondorio izan da eta gatazka horretan alde guztien jardun dute”, azaldu dute.
Horrenbestez, bakean eta bizikidetzan oinarritutako etorkizuna eraikitzeko ezinbestekotzat jo dute iraganari aurre egitea eta memoria, biktima guztien aitortza eta erreparazioa eta desmilitarizazioa bezalako gaiei heltzea.
Espetxeetara martxak
Bestalde, amnistiaren aldeko astearen 40. urteurrena dela eta, ‘Kalera Kalera’k ekimen ezberdinak antolatuko ditu maiatzaren 8tik 14ra bitartean, Errenterian, eta amaitzeko manifestazio nazionala deituko dute.
Horrez gain, maiatzaren 20an martxak antolatuko dituzte Frantziako eta Espainiako sei kartzelatara.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.