Alderdi guztiek egin dute bat Tomas Caballerori Iruñean egindako omenaldian
Iruñeko Udaleko alderdi guztien ordezkariek, Joseba Asiron bertako alkatea buru zutela, Tomas Caballero UPNko zinegotziari gaur Iruñean egin zaion omenaldian parte hartu dute, ETAk hil zuenetik 19 urte bete diren egunean.
Caballeroren senitartekoez gain, alderdi politikoetako eta erakundeetako ordezkaritza zabala bertaratu dira ekitaldira, besteak beste, Uxue Barkos Nafarroako Gobernuko presidentea, Miguel Sanz presidente ohia edota Carmen Alba Gobernu ordezkaria.
Javier Caballerok, eraildako zinegotziaren semeak, ordezkapen zabal hori eta, batez ere, Iruñeko Udaleko alderdi guztietako zinegotzien parte-hartzea nabarmendu eta eskertu du Iruñeko San Jose hilerrian egin den ekitaldian.
Javier Caballerok onartu duenez, "gaurko ekitaldia garrantzitsua da, are gehiago iruindar guztien ordezkaritza politikoa dagoelako".
"Jarrera horrek, zalantza gabe, lagundu egiten du", esan du. Aitzitik, "jarrerak baino askoz garrantzitsuago dira egunero dugun jokabidea, gure konpromiso etengabea, etorkizunaren eraikuntzarekiko gure konpromiso zintzoa", gaineratu du.
Hori dela eta, Caballerok, "baikorra" izateko desioa duela eta iragana ezin daitekeela errepikatu eta ez dela errepikatuko baieztatu du; alabaina, ohartarazi duenaren arabera, "ezin da orrialdea beste aldera itzuli, ezer gertatu ez balitz bezala", eta uste du "bidean geratu direnen oroitzapenean" oinarritu behar dela bizikidetza.
"Ekitaldi honek bakarrik du zentzua, baldin eta balio badu eragindako mina onartzeko, ETA existitu izana akats galanta izan zela aldarrikatzeko eta desegin dadila eskatzeko. Bakarrik dauka zentzua, baldin eta nire aitaren oroitzapena gogoratzen dugun batasun berarekin eskatzen badiegu hiltzaileei hilketa guztiak argi ditzatela", erantsi du.
Horrez gain, "ETAk hirian utzi dituen 26 biktimei" zabaldu die omenaldia.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.