Erkorekak Sorturi: 'Ez da onargarria intolerantzia gutxiestea'
Ernaiko gazteek EAJren Donostiako egoitzan egindako erasoak soka luzea ekarri du, eta aurrez aurre ipini ditu Sortu eta EAJ. Horretaz galdetuta, Josu Erkoreka Eusko Jaurlaritzako bozeramaileak esan du ez duela uste jeltzaleak "esajeratzen" ari direnik, eta Sorturi gaitzespen "argi eta nabarmena" eskatu dio. Izan ere, horren iritzian, "ez da onargarria intolerantzia eta indarkeria gutxiestea".
Josu Erkorekak Arkaitz Rodriguez Sortuko bozeramaileak goizean Radio Euskadin esandakoari erantzun dio. Haren esanetan, "neurriz kanpokoa" da pintaketa batzuei eta zaborra jaurtitzeari "atentatu baten maila" ematea.
Aurpegia estalita zeramaten Ernaiko zazpi kidek zaborra jaurti zuten astelehen arratsaldean EAJren Donostiako egoitzan. Gainera, "mafiosoak" eta beste hainbat irain dituen pankarta bat jarri zuten.
Gobernu bileraren osteko prentsaurrekoan Josu Erkoreka Eusko Jaurlaritzako bozeramaileak adierazi duenez, "gaur egungo testuinguruan tokirik ez duten halako erasoak erabat gaitzetsi behar dira, iraganekoak direlako eta euskal herritarrek garai hori gainditu nahi dutelako".
Halako ekintzek erakundeen "gaitzespen irmoa" behar dutela azpimarratu du. Gaineratu duenez, "ona litzateke alderdi politiko guztiek, aringarririk gabe gaitzestea. Hortaz, argi geldituko litzateke intolerantzia adierazpenek ez dutela tokirik eta guztiek gizarte eta elkarbizitza eredu bera partekatzen dutela".
"Intolerantzia keinuak eta indarkeria adierazpenak minimizatzea ez da onargarria. Gure ustez besteek esajeratzen dutenaren arabera jokatuko bagenu, elkarbizitzak muga oso arraroak izango lituzke", gaineratu du.
Hori dela eta, EAJk halako ekintzak salatzea ez dela esajeratua eta gaitzespenak "argia eta nabarmena" izan behar duela nabarmendu du. Ildo horretan, Sorturi gaitzespen "argi eta nabarmena" eskatu dio.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.