Lopez de Aberasturik baztertu egin du EAn haustura arriskurik dagoenik
EAko egungo zuzendaritzarekin bat egiten ez duen sektore kritikoaren bozeramailea den Iratxe Lopez de Aberasturik baztertu egin du gaur bere alderdia hausteko arriskurik dagoenik, eta kongresua egin aurretiko prozesuan eman ohi diren "ikuspegi desberdinen" barruan kokatu ditu zuzendaritzarekin dituen "desadostasunak".
Kazetarien aurrean esan duenez, ezin daiteke hausturaz hitz egin, baldin eta alderdi politiko baten barruan 'benetako' barne demokrazia badago.
"Gehiengo sozialarena den proiektua bat mahai gainean jartzeagatik haustura arriskua dagoela esaten bada, boikotei buruz hitz egiten bada, uste dut alderdian zerbait ondo funtzionatzen ari ez dela aztertu beharko genukeela", nabarmendu du Aberasturik Donostian, emakume politikoaren ahalduntzeari buruzko jardunaldi batean parte hartzen zegoela.
Azpimarratu duenez, "agerikoa da" EAren gehiengo soziala alderdien arteko koalizio baten aldekoa dela, EH Bilduren aniztasuna bermatze aldera, eta ez dituela Zuzendaritza Nazionalak orain arte emandako urratsak babesten.
"530 sinadura jarri ditugu Zuzendaritza Nazionalaren mahai gainean martxoaren hasieratik, auzi hau kongresura eraman dadila eskatzeko", adierazi du Aberasturik. Berak ordezkatzen duen sektorea beldur da EH Bildu berrian ezker abertzaleak ez ote duen EA fagozitatuko.
Baieztatu duenez, kritikoak (tartean Maiorga Ramirez, Koldo Amezketa eta Miren Aranoa, edo alderdiko presidente izandako Unai Ziarreta) "ilusio" handia ari dira pizten eta "atxikimendu ugari" jaso dituzte.
Ez dio garrantzirik aitortu zerrenda bat baino gehiago aurkezteari. "Egin behar dena da ahalik eta pertsonarik hoberenekin osatutako taldea aurkeztu, herri hau biderik egokienetik gida dezaten, Euskal Herriko gizon eta emakumeak hobeto bizi daitezen lortzeko".
Bere esanetan, "EAk erabateko gardentasuna eta barne demokrazia izatea" da kritikoek defendatzen dutena.
"Afiliatuek parte hartu ahal izan dezagula; izan ere, ez digute galdetu gairik garrantzitsuenen gainean, eta hori ezin daiteke horrela izan", erantsi du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.