Pintaketak egin dituzte EAJren, PSE-EEren eta PPren 9 egoitzatan
Iñaki Bilbao gose greba egiten ari den ETAko presoaren eta independentziaren aldeko pintaketak egin dituzte bart EAJren bost egoitzatan, PSE-EEren hirutan eta PPren batean, Bizkaian eta Gipuzkoan.
Lezamako, Larrabetzuko, Igorreko, Portugaleteko eta Tolosako batzokiak pintaketekin esnatu dira gaur goizean. PSE-EEren kasuan, berriz, Santurtziko, Getxoko eta Lasarte-Oriako egoitzei egin diete eraso. PPk Getxoko Areetan duen egoitzan ere pintaketak agertu dira.
Kasu gehienetan "Iñaki Bilbao Txikito, Gose Greban, independentzia, amnistia, sozialismoa" irakur zitekeen, eta EAJren kasuan "PNV carcelero" eta "Hiltzaileak" ere idatzi dute.
Bizkaiko EAJk prentsa-ohar batean azaldu duenez, "onartezinak" dira pintaketak "bide politiko eta demokratikoak soilik erabiltzeko" estrategiarekin, eta bakea eta bizikidetza lortzeko bidea "hondatzen" dute.
Bestalde, lurralde bereko PSE-EEk "intolerantziaren arrastoak" direla, eta "itzultzea nahi ez dugun iragan batean iltzatuta geratu direnek" egin dituztela salatu du.
Zure interesekoa izan daiteke
Frankismoak torturatutako Txomin Letamendiren oroimena aldarrikatu du Pradalesek
Imanol Pradales lehendakariak Txomin Letamendi 'gudaria' aldarrikatu du astelehen honetan, frankismo garaian jasan zituen tortura basatien ondorioz hil zela 75 urte bete direnean.
Madrilgo Erkidegoko sei alkate ohi zigortu dituzte "Punica" ustelkeria sareagatik
Auzitegi Nazionalak "praktika ustelak" egotzi dizkie David Marjaliza enpresaburuari, Cofelyko arduradunei eta Madrilgo hainbat udalerritako alkate ohiei, gehienak PPkoak. Guztira, 29 pertsona zigortu ditu ANk.
Miguel Angel Gallardok dimisioa eman du Extremadurako sozialisten idazkari nagusi gisa
Extremadurako sozialisten idazkari nagusiak kargua utzi du, igande honetan Extremaduran PSOEk inoizko emaitzarik txarrenak lortu ostean.
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70ri inguru lagunduko dioten neurri fiskalekin" amaitzen duela urtea.
Eusko Jaurlaritzak zalantzan jarri du abenduaren 29ko Transferentzien Batzorde Mistoa egingo ote den
Ubarretxenak ohartarazi du Espainiako Gobernuak “atzera egin” duela, eta Euskadik ez duela “erdipurdiko edo hutsaldutako” transferentziarik onartuko.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarrientzat etxegabetzeak debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".