Akordio integratzaileak defendatu ditu Urkulluk, elkarrekin aurrera egiteko
Iñigo Urkullu lehendakariak gaur adierazi duenez, Euskadik aurretik dituen erronken artean daude, besteak beste, bake, bizikidetza eta autogobernu alorretan aurrerapausoak ematea, eta horretarako "akordio integratzaileak" eta "pertseberantzia" behar direla azpimarratu du.
Urkulluk Turtziozen egin ditu adierazpenok, Turtziozeko manifestua sinatu zenetik 80 urte bete direnean. Horrela deitzen zaio Eusko Jaurlaritzak azken bilera egin eta Jose Antonio Agirrek erbestera abiatu aurretik 1937ko ekainaren 30ean Bizkaiko herri horretan irakurri zuen dokumentuari.
La Puente jauregian egin dute gaurko ekitaldi nagusia, hain zuzen ere, Eusko Jaurlaritzak erbestera joan aurretik bilera egin zuen tokian. Ildo horretan eta 80. urteurrenarekin bat eginez, Gobernu Kontseiluak Turtziozen egin du gaur bilera.
Batzarraren ostean, Iñigo Urkulluk Jose Antonio Agirre lehendakariaren irudia goraipatu du. Turtziozeko Manifestu hartan, Gerra Zibil betean, Agirrek ondorengo mezua zabaldu nahi izan zuen mundura: "Lurraldea konkistatu dute, beharbada, baina Euzkadiren arima ez, hori ez dute sekula konkistatuko".
Manifestu haren 80. urteurrena bete denean, "lehen Eusko Jaurlaritzaren ilusioa eta baloreak partekatu nahi ditugu". Urkulluren esanetan, 80 urte hauetako ondare eta perspektibarekin "akordio integratzaileetan jarri behar dugu esperantza". Gaineratu duenez, herriaren erronka da bake, bizikidetza eta autogobernu alorretan aurrera egitea eta horretarako "pertseberantzia eta akordioa" behar dira. Are gehiago, akordiorik gabe blokeoa eta frustrazioa baino ez direla izango ohartarazi du.
Bestalde, La Puente jauregiko lorategietan egindako ekitaldian, Turtziozeko Manifestuaren kopia bana banatu diete Gerra Zibila bizi izan zuten lau pertsonari. Amaitzeko, manifestuaren 80. urteurrena oroitzeko mural bat inauguratu eta Jose Antonio Agirreren omenezko monumentuan lore eskaintza egin dute.
Zure interesekoa izan daiteke
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.