Erreferenduma azkar onartzeko araudia aldatu du Kataluniako Parlamentuak
Urriaren 1ean Katalunian egin nahi duten erreferendumerako legea lehenbailehen onartu ahal izateko, araudia aldatu du asteazken honetan Kataluniako Parlamentuak, Junts pel Si (JxSi) eta CUPen aldeko botoekin. Horrela, legeak premiaz onartzeko nahikoa izango da irakurketa bakarra egitea, eta ez da beharrezkoa izango Parlamentuan eztabaidarik egitea.
Junts Pel Sik, CUPek eta Germa Gordo Justizia kontseilari ohiak bozkatu dute proposamen horren alde, eta gainerako alderdi politikoak (Ciudadanos, PSC, Catalunya Si Que Es Pot eta PPC) kontra agertu dira. Ondorioz, aldeko 72 boto eta kontrako 63 jaso ditu araudia aldatzeko egitasmoak.
Orain arte, Gobernuak besterik ez zuen irakurraldi bakarrean legeak onartzeko aukera. Dena dela, Parlamentuan ordezkatuta dauden alderdi politiko guztiak ados jartzea lortzen bazuten, premiazko bidea erabilita onar zezaketen lege hori.
Asteazken honetan onartutako aldaketari esker, legeak soilik irakurraldi bakarrarekin onartzeko aukera izango dute JxSik eta CUPek. Hala, gainerako talde parlamentarioek kontra bozkatzen duten arren, egun bakarrean, eztabaida bakarra eginda, legea aurrera ateratzeko aukera izango dute.
Oposizioaren arabera, bi alderdiek bide hori erabili nahi dute Espainiako Gobernuak independentziari buruzko galdeketarako legeak bertan behera uzteko aukera gutxiago izan dezan.
Ildo horretatik, erreferenduma egin eta independentzia lortzeko asmoz egindako aldaketa bat dela azpimarratu du Anna Gabriel CUPeko diputatuak. Horren iritziz, “Espainiak ez badu autodeterminaziorako eskubidea onartzen, araudia aldatu behar da, eta aldatu ezin bada, gainezka egin behar da”.
Bestalde, Roger Torrenten (JxSi) esanetan, gaur egindako aldaketaren aurka agertu direnak urriaren 1ean egin nahi duten galdeketaren aurka dauden alderdi berak dira. “Hautetsontziak jartzeko beharrezkoa dena egingo dugu”, esan du.
Rajoyk Estatu Kontseilura jo du
Mariano Rajoy Espainiako Gobernuko presidenteak Kataluniako Parlamentuaren erabakia ikertzea eskatu dio Estatu Kontseiluari.
Erantzuna eskuan duenean, Kataluniako Ganberari nola erantzun erabakiko du agintariak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.