125 lagin gehitu dituzte Gerra Zibilean desagertutakoen DNA bankura
Espaniako Gerra Zibilean Euskal Autonomia Erkidegoan (EAE) desagertutako pertsonen senideen 125 lagin bildu ditu Memoriaren, Bizikidetzaren eta Giza Eskubideen Gogora institutua. DNA bankua handitzeko martxoan abiatutako kanpainaren emaitzaren berri eman dute gaur Bilbon, Gogora institutuaren egoitzan.
Jasotako 125 lagin horietatik 44 desagertuen seme-alabak dira, 22 anai-arrebak, 11 bilobak, 32 ilobak eta zazpi birbilobak. Laginen % 54,7 (64) Bizkaian jaso dituzte, % 30 Gipuzkoan (35), % 8,5 Araban (10) eta gainerako zortziak Nafarroan, Burgosen eta Kantabrian.
Laginak bildu dituen Biomics laborategiko Marina Martinez de Pancorbo ikerlariak adierazi duenez, jasotako lagin berri horietatik bakar bat ere ez dator bat orain arte hobietatik atera eta erkatu dituzten gorpuzkiekin.
Penintsularen ipar partean 39 hobitatik 363 gorpuzki atera dituzte oraingoz. 363 horietatik 90 identifikatu dituzte, 110 aztertzeko prozesuan daude eta 164 identifikatzeko daude. Orain arte, 89 gorpu atera dira Euskadin, horietako lau aurten.
Laginak jasotzeko kanpaina zabalik uztea erabaki du Gogora institutuak, iraganean hobietatik ateratako eta etorkizunean aterako diren gorpuzkiak DNA laginekin alderatzeko. Halaber, Gerra Zibilean desagertutako pertsonen senideak lagina ematera animatu ditu Aintzane Ezenarro Gogora institutuko zuzendariak.
Albiste gehiago politika
Rosa Zarraren familiak barkamena eskatzeko "aukera ez galtzeko" eskatu dio Atutxari
Zarraren heriotzaren 30. urteurrenean, Egiari Zor Fundazioak "autokritika zintzoa" eta "Ertzaintzaren biktimak erreparatzeko borondatea" eskatu dizkio Eusko Jaurlaritzari.
Basque Segurtasun Foroa inauguratuko dute astelehenean Bilbon
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute bertan.
Cerdanek epailearen galderei erantzun beharko die astelehenean, UCOren txostenaren ostean
10:00etarako jarri diote hitzordua. Ikusmin mediatiko handiaren erdian agertuko da Santos Cerdan Auzitegi Gorenera, Guardia Zibilaren Unitate Zentral Operatiboak (UCO) ekainaren 12an egindako txostena eta Jose Luis Abalos ministro ohiarekin eta haren aholkulari ohi Koldo Garciarekin batera egindako audioak publiko egin zirenetik gertatutakoek harrabotsa sortu baitute.
Neniques Roldan, Nafarroako Podemoseko koordinatzaile berria
Roldanek botoen % 51 lortu ditu, eta, era berean, Berme Demokratikoen Batzordea ere osatuta geratu da.
Alberto Martinez Osasun sailburuak lortutako akordioaren inguruko balantzea egin du Ituna onartu eta biharamunean
Osasun Ituna onartu eta biharamunean Alberto Martinez elkarrizketatu du ETBk. Osasun sailburuaren esanetan, "astelehenean bertan" lanean hasiko dira, herritarrek, gradualki bai, baina lehenbailehen aldaketak sumatu ditzaten, Lehen Arretan, batez ere. Martinezek gaineratu duenez, Itun honekin etorkizuneko euskal Osasun Sistemaren oinarriak finkatu dituzte.
Sortuk urtebete aurreratu du alderdiaren laugarren Kongresua, "askapen prozesuaren fase politiko berriak behar duen eraginkortasuna lortzeko"
Abadiñon egiten ari diren 8. Nazio Konferentzian egin du deialdia. Konferentzia horretan, kurtsoaren balantzea ere egin, eta hurrengo hilabeteetako erronkak zehaztu dituzte.
Gobernuko kideek babestu dute Osasun Ituna; oposiziokoek, aldiz, kritikatu
Ostiralean sinatutako Osasun Itunaren inguruko debatea ez da eten. Gobernuko kideek akordioa babestu duten arren, oposizioak gogor kritikatzen jarraitzen du.
ETAren 60 biktima nafarrak omentzeko plaka bat jarri dute Foru Parlamentuan
Ekitaldira bertaratu direnen artean, Maria Chivite presidentea eta Unai Hualde Nafarroako Parlamentuko presidentea izan dira.
Osasun Mahaiak ituneko 24 ildo estrategikoak babestu ditu
Hala ere, EH Bilduk, Sumarrek, LABek, ELAk, SATSEk, CCOOk eta UGTk ez dute ituna babestuko. Desadostasun handiena eragin duten gaiak hizkuntza-politikari buruzkoak eta lankidetza publiko-pribatuari buruzkoak izan dira.
Gazarako beste martxa bat "bideraezina" dela uste du Podemos Euskadik, baina beste aukera batzuk aztertzen ari dira
Martxa Globalean parte hartu zuten Maite Gartzia (koordinatzailearen ondokoa) eta Alberto Villarreal (Osasun arduraduna) ekintzaileek Egipton bizi izandako egoeren berri eman dute. Espainiak Egipton duen enbaxadorearen jokabidea kritikatu dute, martxara ez zutela joan behar esan baitzien.