Alonso: 'Urkulluren bideak Kataluniako basamortu berdinera garamatza'
Iñigo Urkullu lehendakariaren “euskal bidea” errefusatu du gaur Alfonso Alonso Euskadiko PPren presidenteak. Alonsoren ahotan, proposamenak “Kataluniakoa baino edulkoratuagoa ematen du, baina basamortu berdinera garamatza”. Erantsi duenez, status berriaren proposamenak Espainiaren “suizidioa” suposatzen du.
Urkulluren hitzaldiari erantzun dio Alonsok Politika Orokorreko Bilkuran, Eusko Legebiltzarrean.
EAEko PPren buruzagiak kezka azaldu du; izan ere, Alonsoren hitzetan, lehendakariak autodeterminazio eskubidea aldarrikatu du Legebiltzarrean.
“Euskal bidea benetako elkarrizketarena izan behar da. Gaur proposatu duzunak edulkoratuagoa eta Kataluniako adiskideena baino bigunagoa ematen du, baina basamortu berdinera garamatza”, ohartarazi du.
Kataluniako gatazka konpontzeko, Gobernu zentralaren eta PPren elkarrizketarako borondatea defendatu du Alonsok. Urkulluren kasua “horren adibide bizia” dela nabarmendu du.
"Espainiaren suizidioa, modu adostuan, baina bere buruaz beste egitea”
Alonsoren ahotan, Urkulluren status berri eta estatu konfederalaren proposamenak “Espainiaren suizidioa” suposatzen du, “modu adostuan, baina Espainiak bere buruaz beste egitea da”. Marko juridikoaren apustua zein den argitzeko eskatu dio PPko ordezkariak lehendakariari.
Bestalde, falta diren eskumenen txosten eguneratua aztertzeko konpromisoa hartu du Alderdi Popularreko buruzagiak. Hala ere, garrantzitsuena “herritar bakoitzari komeni zaiona bilatzeko lankidetza da”, azpimarratu du.
Bakea eta elkarbizitzari dagokionez, lanean ari den batzordea ETA gaitzetsi ez dutenen esanetara dagoela salatu du Alonsok, EH Bilduri erreferentzia eginez.
Estelada eta erreferendumeko boto-txartelak Legebiltzarrean
Alonso hitza hartzera zihoanean EH Bilduko legebiltzarkideek estelada bat eta urriaren 1eko erreferendumerako boto-txartelak erakutsi dituzte. Bakartxo Tejeria Legebiltzarreko presidenteak eskatuta kendu dituzte.
kendu dituzte.Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.