Junqueras: 'Rajoyren aurkako zentsura-mozio onena U-1eko erreferenduma da'
Oriol Junqueras Generalitateko presidenteorde eta Ekonomia kontseilariak autodeterminazio erreferendumean bozkatzeko deia egin die katalanei. Izan ere, horren iritzian, "Rajoyren aurkako zentsura-mozio onena urriaren 1eko erreferenduma da. Espainian aldaketarako aukerarik egoteko, aurrena Katalunian demokraziak irabazi behar du".
TV3 telebista kateari eskainitako elkarrizketa batean aitortu duenez, atzoko polizia-operazioak "joko-arauak aldatu ditu". Dena dela, itxaropentsu eta irmo agertu da; izan ere, "agerian geratu da herriak bakarrik salbatu dezakeela herria".
Junqueras hunkitu egin da atxilotu dituzten Ekonomia Kontseilaritzako lankideez hitz egitean: "Jende ona da, langilea eta eraginkorra. Herri honen mesedetan gauza oso garrantzitsuak egin dituzte". "Gaur egoera oso ezberdina da. Ekonomia Kontseilaritzako lantaldearen erdia atxilotu dute. Kontseilaritza honen lana oztopatzeko borondate argia dute", gaineratu du.
Presidenteordearen iritzian, Estatua krisian dago, eta laster atxiloketa gehiago egon daitezkeela ohartarazi du: "Barne Ministerioaren estoldak erabili dituzte. Nork dio ez dituztela beste alderdi politikoen kontra berriro erabiliko?".
Estatuaren ekintzen aurrean, mobilizatzeko deia egin die "herritar guztiei, oinarrizko eskubide zibil, politiko eta sozialak babesteko". "Ez zaitzatela indarra erabiltzen duten eta jendearen alde lan egitea oztopatzen saiatzen diren horiekin nahasi", esan die herritarrei.
Junquerasen arabera, "jendeak jakin behar du nortzuk diren zintzoak eta nortzuk ustelak, nork ez duen ustelkeria kasurik eta nork duen alderdi guztia ikerketapean. Gakoa da jendeak demokrazia lortzeko itxaropena eta poza mantentzea".
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.