Kataluniako protestak sedizioagatik ikertzea eskatu du Fiskaltzak
Urriaren 1ean egitekoa den erreferenduma saihesteko asmoz asteazkenean Guardia Zibilak egindako polizia operaziotik geroztik, Katalunian izandako protestak sedizioagatik ikertzeko salaketa bat jarri du Auzitegi Nazionaleko Fiskaltzak, iturri judizialek ostiral honetan jakitera eman dutenez.
Espainiako Zigor Kodearen 544. artikuluaren arabera, sedizioa ordena publikoaren kontrako delitua da. Zehazki, "indarkeria erabiliz edo arauetatik kanpo, indarrean dagoen Legediaren aplikazioa edo agintarien, erakunde ofizialen edo funtzionarioen agintea eragozteko publikoki altxatu diren pertsonak" dira delitugileak.
Gauzak horrela, autodeterminazio erreferendumaren eta Generalitatearen kontrako polizia operazioa oztopatzeko protestetan parte hartu duten independentziaren aldeko milaka pertsona horiei sedizioa egitea egotzi dakiokeen ikertzeko eskatu du Auzitegi Nazionalak.
Epaile batek 8 eta 10 urte bitarteko kartzela-zigorra ezarri ahal dio pertsona bati sedizioa egitea leporatuta. Gainera, protesta hori agintari publiko batek bultzatu izan balu, espetxealdia 10 eta 15 urte bitartekoa izan daiteke.
Gertaera larri horien aurrean, Miguel Angel Carballo Auzitegi Nazionaleko fiskalak sedizioa egin duten ikertzea eskatu du.
Joan den asteazkenean, independentziaren aldeko milaka pertsona irten ziren kalera, Guardia Zibila Generalitateko hainbat egoitzatan sartu eta Kataluniako Gobernuko 14 goi kargudun atxilotu ostean. Sedizioa, diru publikoa bidegabe erabiltzea, prebarikazioa eta desobedientzia leporatu zien Guardia Zibilak atxilotuei.
Miaketarekin amaituta, guardia zibilak eta epaitegiko taldea egoitzatik irten ahal izateko, Esquadra Mossoek esku hartu behar izan zuten ostegun goizaldean, Generalitatearen Ekonomia Kontseilaritzaren aurrean bilduta zegoen manifestari talde bat desegiteko.
Manifestari batzuek inguruan aparkatuta zeuden Guardia Zibilaren hiru autoak apurtu zituzten, eta erreferendumaren aldeko kartelak eta pegatinak jarri zizkieten. Hala, garabiekin eraman behar izan zituzten handik.
U-1eko erreferendumaren alde milaka pertsona bildu dira azken egunotan. Argazkia: EFE
Fiskaltzak ANC eta Omnium seinalatu ditu sedizio salaketan
Auzitegi Nazionaleko Fiskaltzak bere salaketan ANCko eta Omniumeko presidenteak espresuki aipatzen ditu.
Salaketa Miguel Angel Carballo Auzitegi Nazionaleko teniente fiskalak sinatu du. Irailaren 20an eta 21ean gertatutako istiluak zehaztu ditu salaketan, eta liskarren egileak bilatzeko atestatua egitea eskatu dio Guardia Zibilari.
Nahiz eta salaketak pertsona zehatzik ez aipatu, Kataluniako Asanblada Nazionala (ANC) eta Jordi Sanchez presidentea seinalatzen ditu. Salaketaren arabera, boluntarioen txandakatzea antolatzeko arduradunak izan ziren, "Poliziaren operazioa oztopatzen ari zirela jakinda", Guardia Zibilaren miaketan zehar, Ekonomia Kontseilaritzaren aurrean hesi bat osatuz.
40.000 pertsonaren aurrean inor etxera ez joatea eskatu zuen Sanchezek. Jordi Cuixat Omniumeko presidentea Guardia Zibilaren auto baten gainean, Sanchezekin batera, protestari eusteko eskatuz identifikatzen du fiskalak. Hala ere, elkarretaratzea ezin zuela kontrolatu ikusita, manifestazioa desegitea eskatu zuen, salaketak nabarmendu duenez.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.