Segurtasun Batzordea bilduko da gaur, Puigdemont buru dela
Carles Puigdemont Generalitateko presidentea buru dela, Kataluniako Segurtasun Batzordearen bilera egingo dute gaur (12:00) Generalitateko jauregian. Urriaren 1eko erreferendumaren harira Estatuak hartutako neurriak tarteko, urgentziaz deitu zuen atzo batzarra. Espainiako Gobernuaren ordezkariak ere joango dira.
Presidenteaz gain, honakoak joango dira Kataluniako Gobernuaren izenean: Cesar Puig Barne Kontseilaritzako idazkari nagusia, Pere Soler Esquadra Mossoen zuzendaria eta Josep Lluis Trapero Mossoen buruzagia.
Honakoak izango dira, bestalde, Espainiako Gobernuaren ordezkariak: Jose Antonio Nieto Segurtasuneko Estatu idazkaria, Diego Perez de los Cobos koronela (erreferenduma eragozteko polizia taldeen koordinatzailea), Enric Millo Espainiako Gobernuak Katalunian duen ordezkaria eta Juan Antonio Puigserver Barne Ministerioko idazkari nagusia.
Kataluniako Gobernuak deialdia egiteko ohiko prozedura errespetatu ez duen arren eta deialdian forma-akats "nabarmena" izan arren, Barne Ministerioa bileran ordezkatuta izango dela jakinarazi zuen atzo. Erabakia "erantzukizunagatik eta kataluniar guztien segurtasuna eta elkarbizitza baketsua babesteko" hartu zuela azaldu zuen.
Bi aldeak daude ordezkatuta Batzordean
Uztailaren 10ean bildu zen azkenekoz Segurtasun Batzordea (aurretik zortzi urte zeramatzan bildu barik). Espainiako Gobernuak eta Kataluniakoak ordezkaritza parekidea dute erakunde horretan, eta Generalitateko presidenteak zuzentzen ditu bilerak.
Hain justu, Kataluniako presidenteak bakarrik du batzar horiek deitzeko eskumena. Estatuak erreferenduma eragozteko hartutako neurriak direla eta, bi administrazioen arteko harremana zeharo gaiztotuta dagoen honetan deitu du bilera Puigdemontek. Batetik, Espainiako Gobernuak guardia zibil eta polizia nazional gehiago bidali ditu Kataluniara, eta, bestetik, De los Cobos koronela jarri dute polizia talde guztien buru, Mossoen iritziaren kontra.
Kataluniako polizia autonomikoak uste du badela polizia taldeak koordinatzeko erakunde bat, Kataluniako Segurtasun Batzordea, hain justu.
Kataluniako Auzitegi Nagusiak, ordea, baztertu egin du Generalitatearen eskaera hori, eta erreferenduma galarazteko agindua eman die Esquadra Mossoei, Guardia Zibilari eta Espainiako Polizia Nazionalari.
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.