Polizien aurkako 'erasoak' eragozteko neurri legalak hartuko ditu Espainiak
Kataluniara bidalitako guardia zibil eta polizia agenteak "behar beste denbora" geratuko direla azpimarratu du gaur Juan Ignacio Zoido Espainiako Barne ministroak, eta ohartarazpena ere egin du, Ministerioak ez ditu agente horien kontrako "erasoak" onartuko, eta horiek eragozteko "neurri legalak" iragarri ditu.
Rajoyren gobernuaren kontrolerako saioan EAJk, Podemosek eta Ciudadanosek egindako galderei erantzunez egin ditu adierazpenok Zoidok. Lehenengo biek "esku hartzea" kritikatu dute, eta hirugarrenak agenteek jasan dituzten "erasoez" galdetu dio.
Zoidoren esanetan, Kataluniara bidalitako agenteek "Mossoei laguntzeko" zeregina dute, Fiskaltzak hala aginduta. "Ez da salbuespenezko neurria, ezta Konstituzioaren kontrakoa ere", erantzun du ministroak Mikel Legarda EAJko diputatuak esandakoa ukatuz. "Ez nator zurekin bat eta harro nago horregatik. Ez da Konstituzioaren kontrakoa", azpimarratu du.
Nabarmendu duenez, "behar beste denbora" geratuko dira agenteok Katalunian, "legea betetzen dela, eskubideak errespetatzen eta askatasunak bermatzen direla egiaztatu arte".
Zoido, Kongresuan egindako agerraldietako batean. EFE
"Onartezina da agenteen ibilgailuei eraso egitea, euren mugimenduen berri emateko eskatzea, eta zerbitzari publikoak direnak etsaitzat hartzea", esan du Zoidok. Hala, Guardia Zibilaren eta Espainiako Poliziaren "duintasun eta askatasunaren kontrako erasoak" eragozteko "neurri legalak" iragarri ditu.
Fiskaltzaren agindua kritikatu dute Mossoek eta Generalitateak
Bien bitartean, Fiskaltzak Esquadra Mossoei atzo emandako aginduak zer esana ematen jarraitzen du. Zuzenean aipatu ez badu ere, neurria zalantzan jarri du Pere Soler Mossoen zuzendariak. Nabarmendu duenez, "Mossoen, Guardia Zibilaren eta Espainiako Poliziaren misio nagusia eskubideak bermatzea da, ez horien gauzatzea eragoztea".
Bon dia.Que ningú s'equivoqui la missió ppal de les policies @mossos @guardiacivil @policia és garantir Drets, no impedir ne el seu exercici
— Pere Soler i Campins (@solercampins) 2017(e)ko irailak 27
Joaquim Forn Kataluniako Barne kontseilaria ere neurriarekin kritiko agertu da. Horren ustez, agindua "aberrazio bat da".
Rac1 irrati kateari eskainitako elkarrizketa batean azaldu duenez, Generalitateak Kataluniako Segurtasun Batzordearen bilera deitzekotan dago (Puigdemontek eguerdi aldera egin du deialdia, biharko), erakunde hori baita "Kataluniako segurtasun indarren koordinatzailea".
Izan ere, Fiskaltzaren agindua "akats itzela" da, Fornen aburuz. "Generalitatea oso arduratuta dago Fiskaltzak hartu duen jarrerarekin, zentzu onaren eta legezkotasunaren kontra joan da eta", adierazi du.
Kataluniara guardia zibil eta polizia gehiago bidaltzea ere salatu du Fornek. Neurriak istiluei bide eman ahal diela uste du, "urriaren 1ean baketsua ez den erreakzio bat egon dadin". Horren aurrean, "protesta modu zibikoan" egiteko eta "probokazioan ez jausteko" deia egin die herritarrei.
Bestalde, polizia indar guztien koordinazioa Diego Perez de los Cobos koronelaren esku ixtearen erabakia berretsi du Kataluniako Auzitegi Nagusiak, Generalitateak aurkeztutako helegitea baztertuta.
Zure interesekoa izan daiteke
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.
Madrilgo Erkidegoko sei alkate ohi zigortu dituzte "Punica" ustelkeria sareagatik
Auzitegi Nazionalak "praktika ustelak" egotzi dizkie David Marjaliza enpresaburuari, Cofelyko arduradunei eta Madrilgo hainbat udalerritako alkate ohiei, gehienak PPkoak. Guztira, 29 pertsona zigortu ditu ANk.
Miguel Angel Gallardok dimisioa eman du Extremadurako sozialisten idazkari nagusi gisa
Extremadurako sozialisten idazkari nagusiak kargua utzi du, igande honetan PSOEk Extremaduran izan dituen inoizko emaitzarik txarrenak lortu ostean.
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70ri inguru lagunduko dioten neurri fiskalekin" amaitzen duela urtea.
Eusko Jaurlaritzak zalantzan jarri du abenduaren 29ko Transferentzien Batzorde Mistoa egingo denik
Ubarretxenak ohartarazi du Espainiako Gobernuak “atzera egin” duela, eta Euskadik ez duela “erdipurdiko edo hutsaldutako” transferentziarik onartuko.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarriak etxegabetzea debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.