Hauteslekuak indarkeria erabili gabe ixteko agindu die Traperok Mossoei
Urriaren 1eko goizeko 06:00ak baino lehen hauteslekuak ixteko eta hautestontziak eta boto-paperak konfiskatzeko agindua eman die Josep Lluis Trapero buruzagiak Esquadra Mossoei, betiere indarkeria erabili gabe.
2.300 bozkaleku inguru daude eta horietara guztietara patruilak bidaliko dituzte, Kataluniako Justizia Auzitegi Nagusiak emandako agindua bete eta erreferenduma galarazteko.
Hauteslekuetan dauden pertsonak identifikatu egingo dituzte eta urriaren 1eko 06:00ak baino lehen handik alde egin behar dutela jakinaraziko diete. Lokalak ixtea ezinezkoa den kasuetan (hautesleku asko anbulatorioetan eta zaharren egoitzetan jarri dituzte), erreferenduma prestatzeari utzi behar diotela ohartaraziko diete.
Hauteslekuaren barruan edo eraikinaren kanpoaldean manifestariak baldin badaude eta mossoak sartzea galarazten badute, urriaren 1eko polizia dispositiboa koordinatzeko zuzendaritzarekin jarriko dira harremanetan eta zuzendaritza horrek erabakiko du agente gehiago bidali edo ez eta Udaltzaingoari laguntza eskatu ala ez.
Hauteslekuak irekita badaude
Hauteslekuak irekita dauden kasuetan, mossoak sarreran jarriko dira, inor sartzea saihesteko. Ordurako jendea barruan badago, guztiak identifikatu egingo dituzte, lokala hustu eta materiala eraman aurretik.
Lokala ixtea ezinezkoa bada zerbitzu publikoak eskaintzen direlako bertan, erreferendumaren antolakuntzan ari diren lagunei jarduera hori bertan behera uzteko aginduko diete.
Hauteslekuaren kanpoaldean bilkura bat egonez gero eta Poliziak bertara sartzerik edo lokala ixterik ez badu, urriaren 1eko polizia dispositiboa koordinatzeko zuzendaritzak erabakiko du istiluen kontrako poliziak bidali edo ez.
Hala gertatuz gero, hauteslekuan jende gehiago ez sartzea izango da mossoen eginkizuna, eta korridore bat egingo dute, barruan daudenak nahi dutenean handik atera daitezen.
Indarkeria ez erabiltzeko agindua
Traperok indarkeriarik ez erabiltzeko eta proportzionaltasunez jokatzeko agindua eman die mossoei, helburua "bake soziala eta bizikidetza" bermatzea dela azpimarratuta.
Erresistentzia pasiboaren aurrean, "indarraren erabilerak ezin izango du gainditu pertsonak hauteslekuen kanpoaldera laguntzea edo poliziari agindu judizialak bete ahal izateko bidea irekiko dion korridorea irekitzea", dio barne-oharrak.
"Ez da borrarik edo antzeko elementurik erabiliko", erantsi du.
"Kasu guztietan, indarra erabiltzeak ekar ditzakeen ondorioak kontuan hartu behar dira; izan ere, "ekidin nahi dena baino kalte handiagoa eragitea saihestuz; bereziki, jendearen artean adin txikikoak, adinekoak edo bestelako talde zurgarriak baldin badaude", nabarmendu du.
Salbuespen bakarra ondokoa izango da: "Indarra ez erabiltzeko agindua bertan behera geldituko da soilik hirugarren baten kontrako edo poliziaren aurkako erasorik baldin bada".
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.