844 zauritu, bi larri, karga polizialengatik, Generalitatearen arabera
Generalitatearen arabera, 844 pertsona zauritu dira Gobernuak Kataluniako erreferenduma ekiditeko bidali dituen agenteek egindako karga polizialetan. Horietako bi larri daude, Bartzelonako bi ospitaletan.
Generalitateko Osasun Departamentuak jakitera eman duenez, 761 pertsona horiek Larrialdi Zerbitzuetan, arreta jarraituko zentroetan eta ospitaleetan artatu dituzte. Bi zauritu larrienak Sant Pau eta Vall d'Hebron ospitaletan daude, Bartzelonan.
Bestalde, Jordi Turull Kataluniako Gobernuko Presidentetzako kontseilari eta bozeramaileak gaitzetsi egin du Estatuko segurtasun indarrek hauteslekuetara joan diren pertsonen aurka erabili duten "polizia indarkeria".
Turullek prentsaurrekoa eman du Bartzelonako International Press and Broadcasting Center-en, Raul Romeva Kanpo Arazoetako buruarekin batera, gertatutakoaren berri emateko.
"Hau guztiz larria eta sinestezina da", esan du Turullek. Horren ustez, "Polizia Nazionalaren eta Guardia Zibilaren jardunak ez die erantzuten proportzionaltasun irizpideei, ’a por ellos’ oihuari baizik".
Zaurituei "elkartasuna" agertzeaz gain, osasun zentroetara joateko aholkatu die, egiaztagiria lortu eta Esquadra Mossoen aurrean salaketa jartzeko.
Bestalde, manifestariek eta hauteslekuak zaintzen zituztenek salatu dutenez, Espainiako poliziek kargak egin dituzte hiriko zentroetan eta bozkatzeko beste toki batzuetan, eta gomazko pilotak jaurti dituzte.
Bi zauritu larri
Gizon batek (70 urte ditu) bihotzekoa izan du Lleidan, segurtasun indarrak La Mariola eskola (erreferendumerako hauteslekua urriaren 1ean) hustera joan direnean.
Larrialdi Zerbitzuetako iturrien esanetan, sorosleak bertaratu dira eta "berehala" suspertu dute. Ondoren, baina, Vall d'Hebron ospitalera eraman dute, helikopteroz, egoera kritikoan.
Larri zaurituta daudenen artean, begian pilotakada bat jaso duen gizon bat ere badago; istiluen aurkako agenteek jaurti duten gomazko pilota batek jo du. Bartzelonako Sant Pau Ospitalera eraman dute anbulantzian, ebakuntza egitera, aurpegia odoleztatuta zuela.
Bartzelonako Ramon Llull eskola inguruan zauritu dute. Hautetsontziak eramatera joan dira, eta, alde egiten ari zirenean, gomazko pilotak jaurti dizkiete bertan protestan ari ziren herritarrei. Horrela zauritu dute.
10:30 aldera ere izan da tentsiorik, agenteek gomazko pilotak jaurti baitituzte, segurtasun lerroari eutsi eta furgonetei bidea irekitzeko.
Bertan zeuden pertsonetako batzuek Poliziak jaurtitako gomazko pilotak erakutsi dituzte sare sozialetan. 2014ko apirilaren 30ean Kataluniako Parlamentuak Esquadra Mossoei eta Udaltzaingoei debekatu zizkionetik, lehen aldiz erabili dituzte gomazko pilotak Katalunian.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.