'Hauteskunde lotsagarriak' egin nahi dituztela esan du Espainiako Gobernuak
Espainiako Gobernuaren esanetan, Generalitateak U-1aren inguruan eman dituen jarraibide berriak ikusita, zuzenbide estatuak "zapuztu egin du legez kontrako erreferenduma", eta gaur Kataluniak egiten ari direna "hauteskunde lotsagarriak" dira.
Enric Millo i Rocher Espainiako Gobernuak Katalunian duen ordezkariak egin ditu adierazpen horiek, Jordi Turull Kataluniako Generalitatearen ordezkariak goizean hainbat berrikuntzaren berri eman eta gero: errolda telematiko unibertsala erabiliko dutela edozein hauteslekutan botoa emateko aukera izateko, eta etxean inprimatutako boto-paperak erabiliz eta gutun-azalik gabe eman daitekeela esan du.
Mariano Rajoy Espainiako Gobernuko presidenteak Moncloa Jauregian izan du aldaketa horien berri. Izan ere, goizean goizetik dago bertan bilduta Soraya Saenz de Santamaria presidenteordearekin eta Iñigo Mendez de Vigo Gobernuko bozeramailearekin.
Espainiako Gobernuaren iritziz, Generalitateak egin asmo duen erreferendumaren gainean iragarritako aldaketa horiek argi uzten dute "demokratikoki errespetatua izateko aukera guztiak ezabatu dituztela". "Munduan lehen aldiz, hauteskunde batzuetarako arauak aldatu dituzte hasi baino 45 minutu lehenago, horien emaitza baldintzatzeko helburuarekin", "Erroldarik gabe, etxean egindako boto-paperekin, gutun-azalik gabe eta bakoitzari sudurraren puntan jartzen zaion hauteslekuan botoa emateko aukera emanez. Irailaren 6koa eta 7koa lotsagarrikeria demokratikoa izan zen, eta gaurkoa hauteskunde-egun lotsagarria da", esan du Millo i Rocherrek.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.