Poliziaren bortizkeriaren irudiak mundu osoan zabaldu dira
Kataluniako erreferendumean parte hartzen ari zirenen kontra izan diren karga polizialak, zaurituen bideo eta argazkiak eta Mossoen zein Guardia Zibilaren arteko liskarrak mundu osora zabaldu dira Internet eta sare sozialei esker, eta sare horiek berak erabiltzen ari dira hainbat pertsona ezagun euren kezka agertzeko.
Hala, Charles Michel Belgikako lehen ministroak txio bat argitaratu du indarkeria gaitzetsi eta elkarrizketa politikorako deia egiteko: "Indarkeria ezin da inoiz erantzuna izan. Guk indarkeria mota oro gaitzesten dugu".
Nicola Sturgeon Eskoziako lehen ministroa ere haserre agertu da Katalunian gertatu denarekin, eta Espainiko Gobernuari "norabidea aldatzeko" eskatu dio, "inor larri zauritu aurretik". "Utzi jendeari bere botoa modu baketsuan ematen", idatzi du Sturgeonek Twitterren duen kontuan.
Esloveniako Gobernua ere oso kezkatuta agertu da Twitterren duen kontuan, eta elkarrizketarako deia egin du.
Aitzitik, Europar Batasunak ez du oraindik adierazpen ofizialik egin, baina erakundeko iturriek jakitera eman dutenez, oso gertutik jarraitu dute Katalunian gertatu dena.
Frantziako Gobernuak ere ez du oraindik ezer esan ofizialki, baina oposizioak gogor kritikatu du Poliziaren jarrera. Jean Luc Melenchon Francia Insumisa alderdiko buruak esan du nazio batek ezin duela herri bat "horrenbeste estutu", eta Beinot Hamon hautagai sozialistak azpimarratu duenez, "ez du zentzurik Europaren bihotzean indarkeria erabiltzeak botoa ematea ekiditeko".
Atlantikoaren beste aldetik, Nicolas Maduro Venezuelako presidenteak esan du Mariano Rajoyk munduaren aurrean erantzun beharko duela "errepresio bortitzagatik". Honakoa esan du astero telebistan egiten duen saioan: "Rajoyk errazena egin du, jende gaixoaren kontra indarkeria erabili".
Ameriketako Estatu Batuetatik, New Yorkeko Udaleko bigarrenak esan du "izututa" dagoela Espainiako Poliziaren indarkeria ikusita.
Gainera, Greziako Ekonomia ministro izan zen Yanis Varufakisek "Francoren espirituari men egin eta hobekien egiten dakitena egiten ari dira Rajoy eta PP", esan du. "Rajoy and PP, imbued with Franco's authoritarian legacy, doing their best to ferment... Catalan independence! #CatalanReferendum", idatzi du Twitterren.
Julian Assangek, azken asteotan Kataluniako erreferendumaren inguruan oso aktibo ibili ondoren, hainbat txio argitaratu ditu Poliziak manifestari baketsuen kontra egin duela nabarmenduz.
Protestak Londresen eta Edinburgon
Nazioartea #CatalanReferendum traolari esker jarraitzen ari da hein handi batean Katalunian gertatzen ari dena eta hainbatek hori bera erabili dute Kataluniatik kanpo izan diren elkartasun ekintzen berri emateko. Edinburgon, adibidez, ehunka lagun elkartu dira Espainiako Gobernuaren jarrera gaitzesteko, Eskoziako banderak eta senyerak eskuetan:
Edinburgh in solidarity with #Catalanreferendum ¡No Pasarán! pic.twitter.com/ZgT5OEOser
— stewart bremner (@stewartbremner) 2017(e)ko urriak 1
Londresen ere protestak izan dira. Dozenaka lagun bildu dira "demokraziaren alde eta indarkeriaren kontra":
Catalan peacefully singing for independence in London's Piccadilly Circus #CatalanReferendum pic.twitter.com/YjJcuKovHQ
— Chris Newton (@cjanewton) 2017(e)ko urriak 1
Londres sale a la calle en defensa de la democracia y contra la violencia del PP. #CatalanReferendum #RajoyDimisión #vergüenza #10ctARV pic.twitter.com/TQL3j1yO3O
— Diego PODEMOS ¿¿ (@DiegoPodemos) 2017(e)ko urriak 1
Komunikabideak
Europako komunikabide nagusiek urriaren 1eko erreferenduma jarri dute azaletan eta webguneetan irekitzen, herritarren kontra erabilitako indarkeria nabarmenduz. BBCn adibidez:
— Steven Marwick (@SMarwickYes) 2017(e)ko urriak 1
Liberation egunkari frantsesak Twitterren duen kontuan iragarri duenez, britainiar begiraleek Espainia Hagako Nazioarteko Auzitegira eramango dutela jakinarazi dute.
AEBn, berriz, CNN, NBC eta CBS telebista kateak, besteak beste, istiluen irudiak ematen ari dira goizetik, eta zaurituen kopurua pantailaratzen, datuak eguneratzen diren bakoitzean.
Washington Post-ek "Kataluniaren desafioa desobedientzia ekintza zibil masiboa" dela idatzi du, eta The New York Times-ek "katalanen ezohiko determinazioa" nabarmendu du.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".