Milaka lagunek elkarrizketarako deia egin dute Bartzelonan, zuriz jantzita
Milaka pertsona bildu dira Bartzelonako Sant Jaume plazan larunbat honetan, kamiseta zuriarekin jantzita eta "hitz egin dezagun" leloarekin, Generalitatearen eta Espainiako Gobernuaren arteko elkarrizketa eskatzeko, independentziaren balizko aldebakarreko deklarazioaren aurrean.
Bildu diren pertsonek globo zuriak aireratu dituzte, eta hainbat aldiz txalo egin dute ?batzuek eskularru zuriekin-. "Kataluniako herriak ez du zatiketarik nahi", "ahal dugu" eta "hitz egin nahi dugu" aldarrikapenak egin dituzte.
Milaka pertsona bildu dira Bartzelonako udaletxe parean, Parlem plataformak deituta. EFE
Halaber, manifestatzaileek, tonu baketsuan, eta Espainiako banderarik ez Kataluniakorik erakutsi gabe, ezta independentistarik ere, independentziaren aldebakarreko deklarazioaren aurkako kartelak altxatu dituzte. "Espainia bertako gobernatzaileak baino hobea da", irakur zitekeen batzuetan.
Herritarren kontzentrazioa ez dute alderdi politikoek antolatu, baina PSCko ordezkari batzuk joan dira, Miquel Iceta alderdiko lehen idazkaria buru izanda.
Ehunka euskal herritarrek elkarrizketa eskatu dute
Ehunka pertsonak parte hartu dute Euskadin, ¿Parlem? ¿Hablamos? herritarren mugimenduak sare sozialen bitartez egindako deialdian, politikoei elkarrizketa eskatzeko, Katalunian egoerari irtenbidea jartzeko.
Twitter, Facebook eta Whatsapp bidez zabaldutako ekimen honek eguerdian udaletxe parean kontzentratzeko eskatzen zuen, eta arropa, kartel eta esku zuriekin egiteko.
Donostian, 200 bat pertsonek parte hartu dute protesta isilean, pankartarik gabe, nahiz eta batzuek "Bakea, elkarrizketa eta legea" edota "Hitz egin dezagun" leloak zituzten kartelak eraman dituzten; bandera zuriak ere izan dira.
Bildu direnen artean Odon Elorza diputatu sozialista eta Iosu del Moral Podemoseko burua egon dira.
Gasteizen, ehunka pertsona bildu dira udaletxe aurrean, elkarrizketa eskatzeko, "¿Parlem? ¿Hablamos?" ekimenaren baitan.
Kontzentrazioan ekimena "guztiz independentea" dela nabarmendu dute, eta ez duela alderdi bat beraren kontsigna jarraitzen. Etorkizunean antolatu daitezkeen jardueretan parte hartzera deitu zaie herritarrei.
Bertaratu direnen artean, Sara Buesa Fernando Buesa (ETAk hil zuen) PSE-EEko buruzagiaren alaba zegoen. Manifestu bat irakurri du, herritarrei "aurrerapauso bat" ematera bultzatuz elkarrizketa eskatzeko Katalunian izandako azken gertaeren aurrean.
Bildu diren askok arropa zuriak eraman dituzte, deialdian eskatzen zuten moduan, eta kartelak eta globo zuriak erakutsi dituzte, ekimenaren leloarekin. Lurrean klera zuriz honako hitzok idatzi dituzte: "Hitz egiten dugu? ¿Parlem?".
Bilbon berrehun pertsona bildu dira udaletxeko eskalinatetan, pankarta zuri batekin, zentroan bihotz gorri bat zuela.
Bertan izan direnen artean, Carmen Muñoz Podemoseko udal bozeramailea eta Samir Lhadou Ganemosekoa ego dira.
Ehunka pertsona bildu dira Bilboko udaletxe parean. EFE
Bestalde, Iruñeko Udaleko plazan eguerdian, kontzentrazio isila eta banderarik gabekoa izan da, politikoen arteko elkarrizketa eskatzeko, Kataluniako egoerari irtenbidea jartzeko.
Ehun pertsona inguru, horietatik asko zuriz jantzita, joan dira sare sozialen bitartez egindako deialdiari babesa ematera.
Deialdian, #hablemos eta #parlem etiketak erabiltzea bultzatu dute, eta karteletan idatzita eraman dituzte askok.
Cibeles zuriz jantzi da elkarrizketa eskatzeko
Milaka pertsona bildu dira, banderekin eta zuriz jantzita, Cibelesen egindako kontzentrazioan, Espainiako Gobernuaren eta Generalitatearen arteko elkarrizketa eskatzeko, Katalunian dagoen egoerari irtenbidea jartzeko, "Carles, Mariano, ea hitz egiten dugun" oihu artean.
¿Hablamos? (Hitz egingo dugu?) ekimenak 12:00etan deitu du manifestazioa, Madrilgo udaletxe aurrean, Cibeles Jauregian, eta balkoietan maindire zuriak jartzea eskatu du. Zuriz jantzita joan diren pertsonek, besteak beste, honako kontsigna hauek izan dituzte: ?Katalanak, anaiak, gu ez gara Mariano?, ?Bla, bla, bla hitz egin nahi dugu?, ?Gorroto gutxiago eta elkarrizketa gehiago? eta ?Borra gutxiago eta telefono gehiago?. Bandera zuriak altxatu dituzte.
Milaka pertsona bildu dira Cibelesen. EFE
Rita Maestre Madrilgo Udaleko bozeramailea manifestazioan izan da, kamiseta zuri batekin. "Gaur ahotsa eurek dute", adierazi du.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.