Manifestazioak EAEn eta Nafarroan, Kataluniako prozesuaren alde
Ehunka pertsona manifestatu dira ostegun honetan Euskadiko hiriburuetan, Kataluniako prozesu independentistaren alde, eta "78ko erregimenaren" aurka, "independentzia" oihu artean, Hispanitatearen Egunean.
Gasteizen, manifestazioa Andre Maria Zuriaren plazatik irten da, "demokrazia" eta "Stop frankismoa" irakur zitekeen pankartaren atzean.
Txistualdien eta kazoladen artean, esteladak eta ikurrinak eraman dituzten manifestatzaileek Arabako hiriburuko kale nagusiak zeharkatu dituzte.
Martxan "Espainiako Estatua, Estatu terrorista" oihuak entzun dira, baita independentzia oihuak ere, indartsuagoak Espainiako Gobernuaren erakundearen egoitzaren aurretik pasatzean. Horien aurrean Ertzaintzako agenteak zeuden.
Manifestazioa amaitzean, hasi den leku berean, bi gaztek hitza hartu dute, Espainiako Estatuak izandako jokaera gaitzesteko eta "78ko erregimena" amaitzea eskatzeko.
Halaber, Gasteizko Katedral berriaren plazan bilerekin eta jarduerekin jarraituko zutela jakinarazi dute. Hainbat kanpin-denda jarri dituzte, baita ?Agur 78? zioen pankarta bat ere, ostegun eta ostiralean jarduerak egiteko.
Donostian, 50 bat pertsonak hartu dute parte Herrerako auzoan hasi eta Intxaurrondon, Gipuzkoako Guardia Zibilaren Komandantzia dagoen lekuan, amaitu den martxan. Ezin izan dute gerturatu, Ertzaintzaren dispositibo batek ekidin egin dielako.
Donostian 50 pertsona inguru bildu dira manifestazioan. EFE
Ikurrinak eta esteladak izan dira ibilbide osoan, eta Lluis Llachen "L´estac" entzun ahal izan da.
Protesta Donostiako Herritarren Asanbladak deitu du, Kataluniako egoeraren aurrean Euskadin sortu den ?herritarren mugimendu espontaneoetako batek?, Asier Lauzirika bozeramaileak azaldu duenez.
Bilbon ere ehunka pertsona manifestatu dira, esteladekin eta ikurrinekin. Martxek Sorturen babesa izan dute.
Bilbon egin duten manifestazioa. EFE
Iruñean ere, ehunka pertsonak bat egin dute Kataluniari elkartasuna adierazteko eta ?desobedientzia zibil baketsua? aldarrikatzeko martxarekin. Manifestazioa Gaztelu plazatik abiatu da 17:00etan, ?Demokrazia eta erabakia. Abajo el régimen? zioen pankarta baten atzetik.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.