Euskararen dekretuan aldaketak egitea aztertzen ari da Nafarroako Gobernua
Uxue Barkos Nafarroako Gobernuko presidenteak gaur adierazi duenez, Nafarroako Kontseiluak euskararen dekretuaren inguruan egindako txostena ez da "kolpea" izan, Foru Gobernuak ez du erretiratuko —oposizioak eskatzen duen bezala—. Dena den, dekretuari aldaketak egitea aztertzen ari direla onartu du. Administrazio publikoan euskararen erabilera arautzen du aipaturiko euskararen dekretuak.
PSN alderdiak Uxue Barkosen agerraldia eskatu zuen Nafarroako parlamentuan, Euskararen Nafarroako Kontseiluak egindako txostenaren inguruko bere iritzia azaltzeko eta Foru Dekretuan aurreikusitako aldaketak xehatzeko.
Nafarroako Gobernuaren asmoa administrazio publikoan ere euskara sustatzea eta arlo horretan aurrerapausoak ematea da. Barkosen esanetan, jendarteak egin eta Euskararen Nafarroaren Kontseiluak babesten duen eskaera da. Gaineratu duenez, administrazio publikoan 16.000 funtzionario badaude ere, horietatik euskara profila duten 160 lanpostu baino gutxiago daude. Aitzitik, Nafarroako Unibertsitate Publikoak emandako datuen arabera, ikasleen % 30 euskaldunak dira eta hori bezalako datuek erakusten dute, Uxue Barkosen esanetan, aurrerapausoak ematen jarraitu behar dela. Ildo horretan, egungo araudia "murriztailea" dela salatu du.
Barkosek nabarmendu duenez, nahiago luke legearen erreforma egitea, baina ez da posible horretarako gehiengorik ez dagoelako. Halaber, euskara meritu gisa baloratzea "diskriminazioa" dela esatea "zentzugabekeria" bat dela azpimarratu du.
Aurreikusitako aldaketez galdetuta, oraindik ezin duela ezer aurreratu adierazi du. Hala eta guztiz ere, "seguruenera" aldaketaren bat izango dela gaineratu du. Orain, zerbitzu juridikoak eta Euskarabidea lanean ari omen dira balizko aldaketak aztertzeko.
Zure interesekoa izan daiteke
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.