PPren Gobernua eta PSOE ez daude ados 155aren inguruan, bozak deituz gero
Espainiako Gobernuak eta PSOEk iritzi ezberdinak dituzte Espainiako Konstituzioaren 155. artikuluaren aplikazioaren inguruan, baldin eta Carles Puigdemont Generalitateko presidenteak hauteskundeak deitzen baditu. Rajoyren Gobernuaren ustez, dagoeneko ez da nahikoa hauteskundeak deitzea 155. artikuluaren aplikazioa geldiarazteko. PSOEren esanetan, ostera, independentzia deklaraziorik (DUI) gabe eta bozak deituta 155a geldiarazi beharko litzateke.
PSOEk astearten honetan berretsi duenez, Puigdemontek legedia errespetatuz Katalunian hauteskundeak deitzen baditu eta independentzia deklaraziorik egingo ez balu 155. artikuluaren aplikazioa geldiarazi egin beharko litzateke.
Bozeramaileen Batzordearen ostean, Margarita Robles PSOEk Diputatuen Kongresuan duen bozeramaileak sozialisten jarrera azaldu du. "Konstituzionaren eta egungo legediaren barruan hauteskundeak deitzen badira, ez legoke arrazoirik Konstituzioaren 155. artikulua martxan jartzeko, zeina Senatuak onartzen duenean bakarrik jarriko da martxan", nabarmendu du.
Roblesen esanetan, horixe bera esan zion Soraya Saenz de Santamaria Espainiako Gobernuko presidenteordeari irrati bidez berarekin izan zuen elkarrizketan. Gaineratu duenez, PSOEk tesi hori bera defendatzen du.
PPk Puigdemonti: 'Hauteskundeak deituta bakarrik ez dira gauzak konpontzen'
Katalunian hauteskundeak deituta ere, ez da nahikoa, Alderdi Popularraren iritzian. Rafael Catala Espainiako Justizia ministroaren ustez, "positiboa" da Carles Puigdemont Senatura joatea, baina ohartarazi du hauteskundeak deitzea ez dela nahikoa. "Gauzak ez dira horrekin bakarrik konponduko", erantsi du.
"Hitz egin ezean, arazoak ez dira konpontzen", esan du Catalak Radio Nacional irrati katean egin dioten elkarrizketan.
Puigdemontek "Konstituzioaren eta legeen araberako konponbideak" proposatzea nahiko luke Catalak. Hori egin beharrean, independentziaren inguruan dituen asmoei eusten badie, "zoritxarrez Espainiako Gobernuak onartutako neurri sorta aplikatu beste erremediorik ez dugu izango", hau da, Katalunian Espainiako Konstituzioaren 155. artikulua ezartzea.
Catalaren aburuz, hauteskunde autonomikoak deitu eta harago joan beharko luke Puigdemontek: urriaren 10ean independentzia aldarrikatu ez zuela baieztatu eta legea eta Konstituzioa betetzeko konpromisoa hartu beharko luke.
Independentzia aldarrikatuz gero, Puigdemont kartzelara joango den galdetuta, ministroa zuhur azaldu da. "Ez dugu ezer aurreratu behar; zigor handi bati buruz ari gara, ur handiak dira horiek", nabarmendu du.
Maroto: 'Garaiz dabil Puigdemont'
Ildo beretik mintzatu da Javier Maroto PPko Politika Sozial eta Ekintza Sektorialeko idazkariordea ere. Horren arabera, Espainiako Gobernuak 155.a aplikatzea geldiarazteko "Puigdemontek orain arteko jarrerari eta hitzei buelta eman beharko lieke, garaiz dabil horretarako".
Marotoren esanetan, Puigdemontek "askotan" aipatzen du elkarrizketa, baina gero "kontrakoa egiten du". "Presidenteen goi bilera egin zenean aulkia hutsik utzi zuen, eta, Tardak aurreratu duenez, Konstituzioaren erreforma eztabaidatzen dugunean ere aulkia hutsik utziko dute", salatu du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.