Saenz de Santamariaren esku geratu dira Puigdemont eta Junquerasen karguak
Larunbat honetako Estatuko Buletin Ofizialean (BOE) argitaratu da Carles Puigdemont eta Kataluniako Gobernu osoa kargugabetzen dituen erret dekretua. Ostiralean Kataluniako Errepublika izendatu, eta egun berean, Senatuak onartutako 155 artikuluaren harira hartu da neurria.
Mariano Rajoyk bere gain hartu ditu Kataluniako Generalitateko presidentearen funtzio eta konpetentziak baina Soraya Saenz de Santamariarengan delegatu du. Hala, Saez de Santamariaren esku geratu da Presidentzia baina baita ondoko kargu eta erakundeak ere: Komunikazioa eta Komunikabideetarako Idazkaritza Nagusia, Gobernuko Bulegoa, Departamentu arteko Koordinaziorako Zuzendaritza Orokorra, Iritzi Ikerketen Zentroa eta Kataluniako Generalitatearen Argitalpen eta Egunkari Ofizialaren Entitate Autonomoa (EADOP), Kataluniako Administrazio Irekiaren Kontsorzioa, Informazioaren Teknologiak eta Telekomunikazio Zentroa (CTTI) eta Kataluniako Informazioaren Segurtasunerako Zentroa (CESICAT).
Kataluniako Generalitateko 11 kontseilaritzak, bere aldetik, Espainiako Gobernuko ministerioek hartuko dituzte bere gain. Hala, Juan Ignacio Zoido izango da Barne sailburua; Alfonso Maria Dastis Europar Batasunerako eta Kanpo Gaietarako Idazkaritzako burua; Rafael Catalá Justizia kontseilaria; Cristobal Montoro Ekonomia eta Ogasun idazkaria; Iñigo Mendez de Vigo Hezkuntza kontseilaria eta Fatima Bañez Lan, Gizarte gai eta Familia idazkaritza.
Carles Puigdemont edo bere kontseilariek euren karguak uzteari uko egingo baliete, Espainiako Gobernuak ohartarazi die "funtzio-usurpazio" delitua egingo luketela eta hori Kode Penalean jasota dagoela.
Kataluniako Parlamentua deuseztatzearen berri ere eman du gaurko Buletin Ofizialak eta hauteskundeak 21erako deitu direla ofizial egin du. Kanpaina abenduaren 5etik 19ra izango da.
Bost dekretu indarrean, gaurtik
Konstituzioaren 155. artikuluaren arabera ezarri ditu Gobernuak neurri horiek. Bost dekreturen bidez jarri dira indarrean, gaurtik aurrera, BOEan argitaratu eta gero.
Dekretu horiek, gainera, hainbat goi karguren kargugabetzea ere aurreikusten duten, tartean Eskuadra Mossoen buru den Josep Lluis Traperorena.
Generalitatearen antolakuntzari ere erreferentzia egiten dio Buletin Ofizialak, eta Kataluniako bulego eta enbaxadak ixteko agindua ematen du. Era berean, kargu gabe uzten ditu Bruselan eta Madrilen dauden ordezkariak. Neurri honek Kataluniak Alemanian, Frantzian, Suitzan, Britainia Handian eta Irlandan, Austrian, Italian, Europar Batasunean eta Amerikako Estatu Batuetan dituen ordezkaritzei eragiten die.
Besteak atalean, eta Lan eta Gizarte Segurantza Ministerioaren pean, zehaztuta geratu dira Katalunian urriaren 20tik azaroaren 9ra deitutako grebako zerbitzu minimoak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.