Milaka lagun Kataluniako independentziaren aurka bildu dira Bartzelonan
Kataluniako Parlamentuan ostiralean egindako independentzia aldarrikapenaren aurka manifestatu ziren igandean milaka lagun Bartzelonako kaleetan. "Guztiok gara Katalunia. Elkarbizitzaren alde, sen ona" lelopean bildu ziren, Societat Civil Catalana elkarteak deituta.
Atzoko hitzorduan PPC, Cs eta PSC alderdietako buruak izan ziren, hala nola, Dolors Montserrat Osasun ministroa, Xavier Garcia Albiol Kataluniako Alderdi Popularreko buruzagia, Enric Millo Espainiako Gobernuko ordezkaria, Albert Rivera Ciudadanoseko liderra, Ines Arrimadas C's-eko burua Katalunian, eta Miquel Iceta Kataluniako Alderdi Sozialistaren idazkari nagusia. Jorge Fernandez Diaz Barne ministro ohiak ere parte hartu zuen.
Alabaina, talde ultraesuindarrek ere bat egin zuten manifestaziorekin, besteak beste, Falange Autentica, Falange Española, España 2000 eta Generacion Identitaria taldeek.
Gracia Pasealekutik abiatu ziren, eta Kale Nagusia jendez bete zuten. Espainiako banderak nonahi izan ziren ikusgai, baita katalanak eta europarrak ere. 'Gora Espainia'. 'Gora Katalunia', 'Ez amnistiarik ez barkamenik', 'matxinoak kartzelara', 'TV3 manipulatzailea', 'Puigdemont espetxera' edo 'Guztiok gara Katalunia' oihuak izan ziren entzungai. Datorren abenduaren 21erako Espainiako Gobernuak deitutako hauteskundeei dagokienez, manifestariek 'Orain bozkatuko dugu' adierazi zuten.
Liskarrak ere izan ziren hainbat faxisten, bandera ultraeskuindarrak eskuetan zeramatzatela, eta Mossoen artean. Batzuek agenteak iraindu eta eraso egiten saiatu ziren. Gainera, horietako batek TV3eko kazetari bati oldartu zitzaion, beste batzuek "manipulatzaileak" oihukatzen ari zirela.
'Kataluniako historia aldatu'
Mariano Gomà SCCko presidenteak manifestazioaren amaierako hitzaldiak itxi zituen, eta abenduaren 21erako deituta dauden hauteskundeetan parte hartzeko deitu zituen herritarrak, "Kataluniako historia aldatu ahal izateko".
"Gu gara etorkizuna", adierazi zuen, "gaur manifestatu garenak irribarren benetako iraultza ordezkatzen dugu, Kataluniako prozesu independentistaren hilotzaren aurrean".
Bestalde, Josep Borrel ministro sozialista ohiak ere hitz egin zuen eta, bere esanetan, abenduko hauteskundeak "urrezko aukera da Kataluniatik Gobernu nazionalista botatzeko". Carles Puigdemont eta Oriol Junqueras gogor kritikatu ditu Borrellek. "Justiziak bere lana azkar egitea espero dut, eta Kataluniari min egiten ari direnei ardurak eskatzea ere bai", adierazi zuen.
Antolatzaileen esanetan, 1,1 milioi lagunek parte hartu zuten manifestazioan; Bartzelonako Udaltzaingoaren arabera, berriz, 300.000 pertsona inguru bildu ziren.
g> bildu ziren.Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.