Hauteskundeetara bakarrik aurkeztea erabaki du CUPek
CUP Katalunian abenduaren 21ean egingo dituzten hauteskundeetan aurkeztuko da, igandeko honetako asanbladak hala erabakita. Bakarrean aurkeztuko da alderdia, eta hautagaitza "ahalik eta zabalena izango da, bai eta independentista eta ezkerrekoa ere, eta hausteko asmo nabarmena izango du". Granollers (Bartzelona) bildutako asanbladak % 64,05eko babesa eman dio aukera horri; hortaz, alderdiak berezko hautagaitza izango du hauteskundeetan.
Anna Gabriel CUPeko diputatuak eta Núria Gibert Secretariat Nacional-eko bozeramaileak itxi dute asanblada. Gabrielek bukaerako agerraldian adierazi duenez, "inposatutako hauteskunde ez-legitimoak" dira abendukoak, baina horietara aurkeztea erabaki dute "Errepublika soziala" eraikitzeko.
Gibertek, bestalde, azpimarratu du Crida Constituent (CC) hautagaitza osatzen duten beste erakundeekin batera aurkeztuko direla, 2015eko irailaren 27an egin bezala. "Herritarren batasuna beti izan da CUPen bizkarrezurra", azaldu du. Hautagaitza apurtzailea izango dela esan du, eta aurreratu du bidelagun izan nahi dituztela "urriaren 1eko erreferedumaren emaitzak onartu eta burutu nahi dituzten horiek eta agenda soziala atzeratu nahi ez duten horiek".
Ildo horretan, Gabrielek bi mezu zabaldu ditu: Lehenengoa En Comuri, eta bigarrena Generalitateko Gobernuan egonda Gabrielen hitzetan Kataluniako indepedentzia burutzeko gai izan ez direnei.
"Gure ahotsa klabea izango da euren burua subiranistatzat izanda "ez indepedentzia aldarrikapena ezta 155 ere" defendatzeko arazoa izan ez dutenen aurreran. Nolatan berdindu daiteke Estatu autoritario eta faxista baten errepresioa erreferendum baten emaitza gauzatzeko asmoarekin?", leporatu die Ada Colauren eta Xavier Domènechen alderdiari.
Halaber, CUP klabea izango da "boterea nola lortu argi ez zuen independentismoaren aurrean", esan du Gabrielek PDeCAT eta ERC alderdiei zuzenduta. CUPen hitzetan, Kataluniako Gobernuko kideek ez zituzten prest beharrezko azpiegiturak eta estrategiak urriaren 1eko emaitzak bideratzeko.
Bi bozketa
Alderdia nola aurkeztuko den zehaztu baino lehen, CUPen asanbladak erabakia zuen, botoen % 91,63rekin, hauteskundeetan parte hartzea. CUPen iturriek Europa Pressi azaldu diotenez, militanteek boto-txartela bakar batean bozkatu dituzte aukera guztiak, bi bloketan banatuta: lehenean, 'bai' ala 'ez' esanez, honako galdera honi: 'Abenduaren 21eko hauteskundeetarako hautagaitza aurkeztearen alde al zaude?'; bigarrenean, beste hiru balizko aukerak zeuden.
Hain zuzen, bozkatu duten bigarren blokean ‘aurreko galderan baiezkoak irabaziko balu’ egongo liratekeen hiru proposamenak agertzen ziren, eta militanteek aukera zuten bozkatzeko lehen blokean erabakitakoa kontuan izan gabe ere. Europa Pressek boto-txartela ikusi ahal izan du; baiezkoak argi irabazi du.
Hau da, militanteek aukera zuten ‘ez’ bozkatzeko lehen galderan, baina, hala ere, hautatu ahal zuten bigarren blokeko hiru proposamenetako bat, gerta zitekeelako lehenean 'baiezkoak' irabaztea. Horrela, % 91,63k eman dute aurkezteko aldeko botoa, % 7,83k kontrakoa, botoen % 0,36 zuriak izan dira, eta % 0,18 baliogabeak.
Orain, lurralde-asanbladek aurkeztu beharko dituzte hauteskunde-zerrendan joango diren hautagaiak; Europa Pressi alderdiko iturriek esan diotenez, aurreko legealdian zeuden diputatuetako askok ez dute errepikatuko.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.