Junquerasek kartzelatik ateratzea eskatu du, 155. artikulua onartu duela argudiatuta
Oriol Junqueras kargugabetutako Generalitateko presidenteordeak bere espetxeratzearen aurkako helegitea aurkeztu du eta aske gelditzea eskatu du, Espainiako Gobernuak 155. artikulua aplikatu ondoren Kataluniako Gobernuak ez duela ezer egin argudiatuta.
Junquerasek Auzitegi Nazionalean aurkeztutako apelazioko helegitearen arabera, ez dago berriro ere delitu hori egiteko arriskurik; izan ere, "Kataluniako Gobernua kargugabetua izan zenetik, ez da bilerarik egin, ez dira Gobernu akordioak hartu eta urriaren 27ko Parlamentuko bilkuraren ostean Kataluniako Aldizkari Ofizialean ez da ezertxo ere argitaratu".
Aurkeztutako helegitean argudiatuta duenez, "begi bistakoa da auzipetuak kontseilari ohi gisa joan zirela Auzitegi Nazionalera, nahiz eta legitimoki eta demokratikoki Kataluniako Gobernuko kideak izan".
"155. artikuluaren aplikazioaren ondotik Kataluniako Parlamentua desegin da, Espainiako Gobernuak deitutako hauteskundeetan parte hartzeko helburuz", helegitean Junquerasek dioenez. Halaber, abenduaren 21eko Kataluniako hauteskundeetan parte hartuko duela-eta, bere interesak defendatu behar dituela nabarmendu du.
Bestalde, urriaren 27an Kataluniako Parlamentuak egindako independentzia deklarazioak balio "erabat politikoa" duela ziurtatu du.
Auzitegi Nazionalaren aurrean aurkeztutako idatzian, aske uztea edota bestelako kautelazko neurriak ezartzea eskatu du: pasaportea kentzea, Espainiatik ateratzeko debekua, aldian-aldian sinatzera agertzea edo bermea.
Romeva, Mundo, Bassa eta Forn
Raul Romeva, Carles Mundo eta Dolors Bassa Atzerri, Justizia eta Lan kontseilari kargugabetuek ere eskatu diote Auzitegi Nazionalari espetxetik ateratzea, 155. artikulua eta kargugabetzea onartzen dutelako eta independentzia aldarrikapena "politikoa" izan zelako.
Efe albiste-agentziak iturri juridikoak jakinarazi duenez, hiru kontseilari kargugabetuek Junquerasen argudio berak erabili dituzte Carmen Lamela epaileak agindutako behin behineko espetxeratzea atzera botatzen saiatzeko.
Joaquim Forn Barne kontseilari kargugabetuak, berriz, Konstituzioaren 155. artikulua "desobedientziarako deirik eta txintik esan gabe" onartu duelako eskatu du libre geratzea.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.