Fiskaltzak kontseilari kargugabetuek eta 'Jordiek' kartzelan jarraitzea eskatu du
Kargugabetutako Generalitateko kontseilariak, Jordi Sanchez (ANC elkarteko presidente ohia) eta Jordi Cuixart (Omnium Cultural elkarteko buruzagia) kartzelan mantentzea eskatu dio gaur Fiskaltzak Pablo Llarena Auzitegi Goreneko epaileari, ihes egiteko eta delitua errepikatzeko arriskua dagoela argudiatuta. Epailearen aurreko agerraldietan, hamar auzipetuek 155. artikuluaren aplikazioa onartzen dutela eta beren jarduera politikoa Konstituzioaren baitan egingo dutela adierazi dute. Dena den, epaileak astelehenean erabakiko du Kataluniako kontseilari kargugabetuak eta Jordi Cuixart eta Jordi Sanchez kartzelan mantendu ala ez.
Consuelo Madrigal eta Jaime Moreno fiskalak hamar auzipetuak aske uztearen kontra agertu dira, "ikertutako ekintzen larritasuna" dela eta. Hiru ordu eta erdi iraun duten galdeketen ostean egin du bere eskaria Fiskaltzak.
Preso politikoek eurek eskatu dituzte gaurko agerraldiak, orain arte Auzitegi Nazionalaren esku zegoen auzia Gorenak hartu ondoren. Horien egoera berraztertzea zuen helburu gaurko saioak; izan ere, inputatuek euren argudioak azaldu nahi zizkioten Llarenari, aske utz ditzan.
Hala ere, hamar lagunak Estremera, Soto del Real eta Alcala Mecoko espetxeetara itzuli dira, Pablo Llarena epaileak astelehenean hartuko duen erabakiaren zain. Astelehenean bertan hasiko da hauteskunde kanpaina Katalunian, abenduaren 21eko hauteskundeei begira.
Laburrak izan dira Kataluniako kontseilari kargugabetuek Llarenaren aurrean egindako deklarazioak, eta 155. artikuluaren aplikazioa onartzeaz gain, beren jarduera politikoa Konstituzioaren baitan egingo dutela adierazi dute. Junqueras presidenteorde kargugabetua izan da deklaratzen lehena, eta 20 minutu eman ditu horretan. Horren ostean, Romeva eta gainerako kontseilari kargugabetuak aritu dira, baita Jordi Sanchez eta Jordi Cuixart ere.
Romeva, Carles Mundo eta Dolors Bassa (ERCkoak) kontseilari kargugabetuek ere deklaratu dute. 10 bat minutuz izan dira epailearen aurrean, eta fiskalaren galderei erantzuteari uko egin diete hirurek.
Joaquim Forn eta Meritxell Borras (PdeCAT) kontseilari kargugabetuek, ordea, Fiskaltzari eta akusazio partikularrari ere erantzun diete. Azken horrek (Borras) ordubete baino gehiago eman du epailearen aurrean. Ondoren, Jordi Turullen txanda izan da, eta horren ostean 15 minutuko atsedenaldia ezarri du epaileak. Josep Rull kontseilaria, Jordi Cuixart Omnium Culturaleko buruzagia eta Jordi Sanchez ANCko presidente ohia mintzatu dira ondoren.
Hiru ordu eta erdi iraun duen galdeketaren ondoren, Pablo Llarena Auzitegi Goreneko epaileak 13:30ak pasata amaitu du hamar presoei deklarazioa hartzen.
Puigdemonten mezua
Carles Puigdemont presidenteak mezua igorri nahi izan die gaur Gorenaren aurrean deklaratu behar zuten preso politiko eta kideei. Kartzelatik ateratzeko "eginahalak egin" ditzatela eskatu die Twitter bidez zabaldutako mezu batean.
"Ez zineten kartzelan inoiz sartu behar. Lan asko dugu eta zuon laguntza behar dugu 155.aren hirukoari aurre egiteko. Laster elkartuko garelakoan".
Dena prest bermeei aurre egiteko
Kontseilari kargugabetuen eta 'Jordien' abokatuek iragarri dutenez, "dena prest" dute epaileak ezar ditzakeen bermeak ordaintzeko.
Goreneko atearen aurrean, presoen senitarteko, Kataluniako kargudun eta defentsako kideak bildu dira, tartean Francesc Homs kontseilari ohi eta abokatua (defentsen koordinatzaile gisa jardun du), eta elkarretaratzea egin dute "justizia" eta preso politikoak "aske" uztea eskatzeko.
Francesc Homs, Gorenera iristen. Argazkia: EFE
Iritsiera mailakatua
10 presoak modu mailakatuan eraman dituzte Gorenera.
Hala, 08:30 aldera, Meritxell Borras eta Dolors Bassa kontseilari kargugabetuak heldu dira Alcala Meco espetxetik.
Apur bat geroago, baina 09:00ak baino lehen, Jordi Sanchez eta Jordi Cuixart eraman dituzte Soto del Realgo kartzelatik.
Azkenik, 09:00ak jota, Estremeran preso dituzten kontseilariak zeramatzan furgoia heldu da Auzitegira.
Kataluniako Gobernu kargugabetuko kideei (Puigdemont eta beste lau kontseilari Bruselan daude oraindik) eta ANC eta Omnium Culturaleko buruzagiei matxinada, sedizioa eta diru publikoa bidegabe erabiltzea egotzi diete Kataluniako independentzia aldarrikapena bultzatu zutelakoan.
Ia denak —Cuixart eta Borras kenduta— abenduaren 21eko hauteskundeetarako hautagaiak dira, eta kanpainan —astearte goizaldean abiatuko da— parte hartzeko asmoz, aske geratzea eskatu diote epaileari, 155. artikuluari men egin diotela eta independentzia aldarrikapena sinbolikoa izan zela argudiatuta.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.