Ofizialki deseginda geratu da Aralar alderdia, 16 urteko ibilbidearen ondoren
Aralar alderdia ofizialki deseginda geratu da gaur Iruñean, 16 urteko ibilbide politikoari amaiera eman dion Kongresuan. Militantziaren %91,2k erabaki horren alde bozkatu du eta EH Bilduren baitan jarraituko dute orain ezker abertzale "zibil eta anitzaren" alde lanean, "bide berriak" eraikiz.
Hala esa du Rebeka Uberak, orain arte alderdiko idazkari nagusia izan denak. Berak eta Patxi Zabaletak, Herri Batasunatik sortu zen alderdiko bultzatzaileak, hartu dute hitza Iruñeko VII. Kongresuan. Han izan da Arnaldo Otegi EH Bilduko koordinatzailea ere, koalizio horren baitan bilduko baitira hemendik aurrera Aralarreko militanteak.
Sortuko ordezkariak, Abertzaleen Batasunekoak, Eusko Alkartasunekoak, EAJkoak, Alternatibakoak eta ELA, LAB nahiz Steilas sindikatuetako ordezkariak ere Iruñean izan dira, beste hainbat gizarte eragilerekin batera. Kataluniako, Galiziako, Kurdistango eta Saharako ordezkari independentistak ere azken biltzar honetan izan dira. Internazionala euskaraz abestuz hasi dute ekitaldia eta Eusko Gudariak kantatuz amaitu dute.
Desegitearen ponentzia militantziaren %91,2ren botoekin onartu da, eta %6,2k kontra bozkatu du. Hala, ponentzia onartu ostean, Rebeka Uberak hitza hartu eta bereziki gogoan izan nahi izan ditu "ideia eta militantziagatik askatasuna eta bizitza galdu dutenak, eta erbestea ezagutu dutenak".
Bertaratu diren militanteei eskerrak eman dizkie azken 16 urte hauetan erakutsitako konpromisoagatik, baina hau ez dela amaiera ere ohartarazi die: "hau ez da amaiera, Aralarren sentsibilitateak aurrera jarraitzen baitu. Honek ez du esan nahi gure konpromisoa amaitu denik, horrek ez baitu ez hasiera ez amaierarik", eta ildo horretan, gaurko ekitaldiak "ziklo bat itxi eta beste bat irekitzen" duela nabarmendu du.
Etorkizuna
Etorkizunari buruz bi kezka partekatu nahi izan ditu. Batetik: "euskararik gabe ez dagoela Euskal Herririk" eta horregatik, "hezkuntza, kultura eta euskara ezinbestekoak dira etorkizuna sortzeko", esan du, baina zalantzak ere agertu ditu ea egungo agintariek "behar den garrantzia" ematen ote dioten horri.
Arnaldo Otegiri ere mezu zuzena igorri dio, ezberdinatasunak gainditzeko gai izan direla nabarmendu ondoren, EH Bildun "ondoan" izango dituela esan dio, Kataluniakoa bezalako prozesu bat aurrera eraman dezan, besteak beste.
Patxi Zabaletak eman dio amaiera ekitaldiari
Patxi Zabaleta buruzagi historikoak eman dio amaiera ekitaldiari. Eskerrak eman dizkie babesa eman dieten guztiei baina baita barne eztabaida sustatu dutenei eta etsai politikoei ere, "borroka, lehia, debatea eta eztabaida" direlako "politikaren oinarriak", "elkarrizketa, adostasuna bilatzea eta akordioak lortzea" bezala.
Oriol Junqueras eta "Kataluniako gainontzeko preso politikoei" agur bat bidaltzeko ere probestu du bere interbentzioa.
Eta Euskal Herriaz, "erabakitzeko eskubidea" aldarrikatu du, baita "presoentzako amnistia eta beste hainbat neurri demokratiko ere", "borroka armatua amaitu ondoren beste herrietan gertatu den bezala".
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.