Frantziako aditu batek sinesgarritasuna eman dio Sorzabalen tortura salaketari
Frantziako Justiziak eskatuta txosten bat egiten duten mediku batek eta psikologo batek sinesgarritasuna eman diote Iratxe Sorozabalek torturengatik jarritako salaketari, Espainian 2001ean atxilotu eta gero, eta, txosten horren arabera, bere bertsioa bat dator gaur egun dituen arrastoekin.
Medikuen txostenaren emaitza atzo, asteazkena, jakinarazi zioten Parisko Apelazio Auzitegiko Instrukzio Aretoari. Leku horretan, hain zuzen, aztertu dituzte Espainiak Iratxe Sorozabalen inguruan abiatutako hiru atxilotze euroagindu, Irunen, Alacanten eta Gijonen 1995ean eta 1996an atentatuak egitea leporatuta.
Xantiana Cachenaut Sorzabalen abokatuak epaileei adierazi zienez, txostenak Sorzabalen tortura salaketa oinarria duela baieztatu du eta, hori dela eta, Espainiako Auzitegi Nazionalak emandako euroaginduak baztertzea eskatu zien.
Instrukzio epaile batek onartu zuen Cachenautek egindako eskaera, Istanbuleko Protokoloa deitutakoa aplikatu eta torturen aztarnak bila zitzaten.
Sorzabalek 46 urte ditu eta Irunekoa da. Frantziako espetxe batean betetzen ari da zigorra eta, gutxienez, 2017ra arte jarraitu beharko du espetxeratuta. Hurrengo epaiketa otsailean dauka.
Berak dioenez, atxilotu zutenean hainbat atentatu hartu zituen bere gain, baina torturapean egindako adierazpenak izan ziren, salaketa aurkeztu zuen, baina Espainiako Justiziak artxibatu egin zuen.
2001eko irailean aske utzi zuten, eta Ipar Euskal Herrira jo zuen. Han atxilotu zuten 2015eko irailaren 22an, David Plarekin zegoela, eta biei ETAko buruzagi izatea egotzi zieten.
Fiskalak ziurtatu zuen atzo medikuen txostenak "zur eta lur" utzi duela, eta ikerketaren jatorrizko bertsioa eskatu zuen. Gainera, Espainiako Justiziari informazio osagarria ematea eskatu zion.
Instrukzio Aretoak urtarrilaren 17an jakinaraziko du zer erabaki duen Defentsak eta Fiskaltzak egindako eskeren inguruan.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.