Gorenak ikerketa gehiago agindu ditu, Kataluniako prozesu independentistaren auzian
Pablo Llarena Auzitegi Goreneko epaileak Kataluniako prozesu independentistaren aurkako auzia zabaltzea erabaki du eta buruzagi politiko independentista gehiago eta erakunde soberanistak ikertzeko agindua eman dio Guardia Zibilari.
Albiste agentzien arabera, 'Enfocats' izeneko dokumentuan aipatzen diren Batzorde Estrategikoan eta Batzorde Exekutiboan nork hartu zuen parte eta batzorde horien eginkizunak zeintzuk ziren jakin nahi du epaileak.
Horrela bada, Carles Puigdemont eta Oriol Junqueras gain, Anna Gabriel (CUP), Marta Rovira (ERC), Marta Pascal (PDeCAT) eta Artur Mas (PDeCAT) ere ikertuko dituzte orain.
Era berean, ANC eta Omnium Cultural erakunde soberanistetako eta Independentziaren aldeko Udalerrien Elkarteko presidenteak eta presidenteordeak ikertzeko agindua eman du Llanerak.
Kataluniako Gobernuak independentziarako diseinatu zuen ibilbide-orrian parte hartu zuten ala ez argitu nahi du epaileak.
Horrez gain, ondoko gertakariei buruzko txostenak ere eskatu ditu: irailaren 20an eta 21ean izandako protestena, urriaren 1eko erreferendumarena eta urriaren 3ko eta azaroaren 8ko greba orokorrena.
Bestalde, Joaquin Forn Barne kontseilari kargugabetua ere ikertzeko agindua eman du, Gorenak debekatu zituen Kataluniako legeen eta erreferendumaren aurrean ze erabaki hartu zituen argitzeko.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.