Tanke batetik mehatxu egin zion gizona ikertzeko eskatu du Puigdemontek
Tanke baten gainean mehatxu egin zion gizonaren inguruko “ikerketa” bat abiatzea eskatu dio Carles Puigdemont presidentak Mariano Rajoyren Gobernuari. Era berean, “barkamena” eskatu beharko lukeela esan dio Puigdemontek Espainiako Exekutiboari. Bideoa berehala zabaldu da sare sozialetan.
Bideoan, “Espainiaren arazoei konponbidea bilatzen” ari zaiola dio gizon batek murrikaz, eta “Puigdemonti ezusteko bat” emango diola, bitartean kamerarekin tankea enfokatzen du eta mehatxu egiten dio, baita Pablo Iglesias Podemoseko idazkari nagusiari ere: “Maitasun eta demokrazia hutseko 70 tona. Motosdun, hurrengoa zu zara, kabroia. Gora Espainia!”.
Espainiako Gobernuari gertakariak argitzeko eskatu dio Puigdemontek Twitter sare sozialean, ingelesez: “Espainiako soldadu batek tanke baten gainean mehatxu egin digu Pablo Iglesiasi eta niri. Europar Batasunean onartezina da. Espainiako Gobernuak barkamena eskatu eta ikerketa abiatu beharko luke”.
Cospedalen agerraldia eskatu dute ERCk eta PDeCATek
Maria Dolores de Cospedal Defentsa ministroari azalpenak eskatuko dizkiotela iragarri du Joan Tarda ERCren Kongresuko bozeramaileak. Egileari “kargu hartu” beharko lioketela adierazi du Tardak; izan ere, irudiak “ageriko” mehatxu “inplizitu eta esplizituak” dira.
Estatuak Puigdemonti eta Iglesiasi barkamena eskatu beharko liekeela uste du PDeCATek. Miriam Nogueras Defentsa Batzordeko PDeCATen bozeramaileak iragarri duenez, bere alderdiak Cospedalen agerraldia eskatuko du, “militar izan ala ez, errespetu falta horretarako norbaitek material militarra erabili ahal izatea onartezina da”.
PP: “Ez du inolako justifikaziorik”
Bideoan agertzen diren bi zibilen aurkako kereila aurkeztu ala ez Fiskaltzak erabaki beharko duela esan du Rafael Catala Justizia ministroak.
Gertakariak “inolako justifikaziorik ez” duela uste du PPk, eta Defentsa Ministerioak erantzukizunak argitzea espero du. Fernando Martinez Maillo PPko koordinatzaile nagusiaren hitzetan, “ez du inolako justifikaziorik”, baina “gertakari bakana” eta “inguruabar oso zehatza” da, eta Defentsa Ministerioak “ez du zerikusirik horretan”.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.